Dec 02 – ISWARGI LOUSING!

“Eina mahakpu Iswargi Thawaida, Lousingda, bhap tabada, khangbada amadi thabak ta khutsa heiba gi khudol da thal hanbire. ”(Exodus31:3)

Eikhoigi Iswardi michang mikha naidabani, kanagumba misingda piriba adu atoppa amada piningdaba toude.  Iswarna mahakki misingda bor piba adu nahakna uba matamda nahakna nahakki  amadi imunggi damaktasu madugi bor adu phangnaba nibiyu.

Nangna ningbagumna nachasingna lairik heitaba su oiramba yai. Makhoina lairik pabada pukning changdaba nattraga makhoina tamkhraba adu chinpha puba ngamdaba yai. Adubu mi khudingbu pukchel chaona pinaheiba Iswar aduna nangna niriba lousing gyan adu pibigani.

Bibleda eikhoina Urigi machanipa Bezalelgi maramda paba phangi. (Exodus 31:2). Iswarna mahakpu Iswargi thawaida, lousing gyanda pik thalhankhi. Maram aduna mahakna thabak subada asukki matik heisingba ama oirakkhi. Mahak thabak hiram Khudingmak ta heisingba oirakkhi. Mahak Sana saba, lupa sabada amadi u suba da hiram Khudingmak ta yamna heisingba ama oirakkhi. Mahakna mahakki talent adu lemna amata manghanba leitana Iswargi ningnasang sabada sijinnakhi. Iswarna yathang pikhiba adugi matung inna mahakna walepnabagi upu, thoujangi phambal amadi phankhong adusu sarammi.

Iswarda nangna haijaba matamda madugumlaba lousing adu Iswarna nachasingda pibigani. Karamba lousing gyan oirabasu, natraga Computer natraga Mathematics,natraga Science amadi Commerce oirabasu Iswarda nibiyu,madu oirabadi Iswarna nachasingda pibigani. Maramdi mahakna macha eikhoida piningduna leiribani. Mahakna aphaba khudol eikhoida piningi. Daniel su mahakki matamda leiramba asingba mising dagi henna saruk tarada singlammi. Madugumna Iswarna eikhoibu lousing pibigani.

Nahakna exam thaba,natraga anouba thabak yaoba, natraga athappa lam amada Koiba chatluba matamda kiba touganu. Lousing pibiba amadi eikhoibu loinabiba aduna hiram Khudingmakta thoujanda mapung phahangani. Maramdi Iswargi lousingdi taibangpangi maong matougumba natte.

Dhyan tougadaba:“Prabhugi thawai mangonda leiba oisanu,lousing gyan gi thawaisu mahakmi mathakta leiba oisanu, paotak pibagi amadi matikki thawaisu leiba oisanu, Lousing amadi Iswar kibagi thawaisu mangonda leiba oisanu.”(Isaiah11:2)