Dec 01 – ISWARGI APHABA GUN!

“Nahakpu kijaba singgi damakta nahakna thambikhraba nahakki aphaba gun asi kayada chaokhrabano, nahakna madu nangonda thajaba thamba misinggi damakta thourangbirabani”(Psalm31:19)

Phattaba tamthiraba pappki taibangda eikhoi leiri. Eikhoidagi kannaba phangkhiba misingphaona eikhoigi maiyokta thabak tourakpa matam leibani. Madusinggi marakta Iswarna eikhoigi damakta kannaba khakta toubiduna lakli. Iswargi aphaba gun gi mahao tangkhraba Psalmist Davidna asumna hairammi, “Hoi Iswarna eikhoida aphaba adu pibigani, aduga eikhoigi lamna pothok mayam pithokkani. ”(Psalm85:12).

Matam amada pastor amadi mahakki members singna church sanaba lam ama thirammi. Makhoi matam sangna achaba mapham phangdana leirammi. Tha kayagi matungda nipa Amana lam ama katthoknaba hairammi adubu madugi mamal adu yamna wanglammi. ​Church ki misingna lambi atei leitabagi maramna makhoina madu leinaba khallami. Adubu pastor na Iswarda haijaraga Iswargi aningba thirammi. Aduga Iswarna mangonda wa nganglaga hairammi, ” Nahakna hathu hathu touganu. Eina nakhoida aphaba adu pigani. Pastor aduna masigi pao asi church mi leadersingda haidokpada makhoi yamna saoraga nungairamde.

Tha khara hourammi. Pastor adugi manakta leiba inakkhunba nipa amana makhoi athappa lam amada hongdoklagani haina pao tamlammi. Makhoi lanthum mayam leibana maram oiduna makhoina church ki damakta lam saruk katthoknaba warep loure haibasu khanghallammi. Aduga mahakna chaoraba lamgi saruk ama lemna pithokkhi. Matam aduda ta church ki leadersing aduna Iswarna makhoigi damakta aphabada toubi haibadu khanglakkhi. Makboi na Iswarbu haraobagi thamoiga loinana thagatlammi.

Taibangmi oiba mapa eikhoinasu ichasingda aphaba pot pininglabadi Thawaigi oiba Swargagi ipana eikhoida aphaba piningloidra?! Mahakna madu soidana pibigani. Eikhoi anouba chahi naksillakpaga loinana Iswarna eikhoida asumna wasakpiri, “Iswargi aphaba amadi thoujanna eibu punshi chuppa eibu inajagani, aduga eina Iswargi yumda lomba naidana leijagani. ”(Psalm23:6).

Handakki chahi asida nahakna awaba kaya thengnaraga thamoi  sokna pirang sintharambasu yai. Adubu nangna Iswar nungshijaraga mangonda ngajarabadi nanggi awabasing adu nanggi phanabagi damakta onthokpigani. Amasung Iswarna ibungo mahakpu nungsibasingda, haibadi, ibungo mahakki ningba matung inna koubiba makhoi aduda, phanabagi damak thabak pumnamak touminnabi haiba eikhoina khangi.”(Romans8:28).Nungjaodagi ising thok hanba eikhoigi Iswar aduna eikhoigi lamhang oiraba punshi asi leiranggumna sat hallaga chaokhat hangani.

Dhyan tougadaba:“makhoina laklaga Iswargi aphaba adugi maramda Ziongi maphamda isei sakkani. Gehu, amadi anouba yu amadi thao  adugi maramda Iswar thagatkani. Sa-san singgi damakta Iswar thagatkani. Makhoigi thawai aduna ising chaibiraba ingkhongumba oirakkni. Aduga makhoi amukka tengthararoi. .”(Jeremiah31:12)