Nov 30 – VAADALER CHENDY

Mathai 17:5Yesu vujji vaathey karrojana, yidek jhankajako vaadal yek vundena burlido; yee Maar premer Beta yermayi Ma anand parochu; Yer vaath maano kan vu vaadalemathi yek ghog aayi.

Yesu Prabhu ann Vor chelavo bhalan gatlaper araj karen chadan gey jana Yesur roop badlago ann Yesu Prabhur mundo suryar nai jhanko Vor latha dholsap vajaler nai dikareethi.

Vo gatlaper Yeliya ann Moshey doyi Yesuthi vaathey karrethey. Yesu vujji vaathey karrojana, yidek jhankajako vaadal yek vundena burlido;yetha chelavun ghano seeklidey kan dekacha. Kai katho athmik jeevanema athra moto anubhavamer rahasyam malam vegi. Vunden vaadal yek burnako ju aaj thona vuj rahasyam malam karen Pavithar Athma burnakeroch.

Apan padeju (Mathai 17:5) yee Maar premer Beta yermayi Ma anand parochu; Yer vaath maano kan vu vaadalemathi yek ghog aayi.

Juno kararema vaadaler goda Yisraelevalen adabima  chalen vunder gheran vethi. Yee vadaler goda vunden suryar thadako padanaju chendina dethanu jathan kidi. Voseji vaadaler goda het vethey jethi thadakethi avajako rogdokh kai ayikoni. Yee vadal kuvatho suryar thadako padanaju chendina diniko hanoj Yesu Prabhu sada Devethin apaner vacha ayo.

Kannavatho apan Baap chajako Devethi reesena ann nashena pamajana Yesu Prabhur krupathi apnen vadaler goda dakal burnakacha. Yesu Prabhu siluvaper redojako loyeethi paapi chahako manikyan ann asmanemar Baaper vacha hubaran apnen chodavcha.

1 Corinthivalun 10:1, 2 vachanema Apostle Paul kacha, Bhay bando tham yee khabrena malamkarlenu vu kaikatho – apaner pad dadavuma sey vaadaler heta ra vosey samundrema chalan gey. Mosheythi vosey vaadaleman, samundrema baptisam lidey.

Yesu Prabhu maranemathi paran vuto jana sey dekrejuj vadalema paramen vupadago. Paran Yesu vadleperaj ayevalocha athanu apnen hamesha heryar bagema revaju lejavacha.

Ajji jada dhyan karen Pado Darshaner Grandh 1:7 Yidek vu vadalethi arocha:heryek aanki Vona dekacha…