Nov 29 – THONA VUNCHO PADACHA

DEEMO VUPADESHER GRANDH 28:1JAMMIPER CHAJAKO SETHI JADA THARO DEV YEHOVA THONA VUNCHO PADACHA.

Apaner Dev yeken kam karevalo ann ajjeken vuncho padevalo cha, athraj koni tharo avamaryadina sada  cheniju karevalo VUJ.

Agadiyar Grandh 12:2 vachanema Dev Abrahamen vuncho padan hano hakkam derocha, “Ma thona yek moto malaver nai karuchu. Tharo naamena Ma sethi vuncho karuchu ann thu ashishethij rechi.”

Yee ashish Abrahamer yeklesaru koni pan Athmar vadi Abrahamer valadema pedavemelejako thamen seni hakdhar vencha. Aji Agadiyar Grandh 12:3 vachanema Dev Abrahamen kerocha, Thon ashish karevalen Ma ashish karuchu, ann thona sarap devalen Ma sada sarap dunchu. Thar vodithi jammiper chajako sey valadeval ashish paavacha. Dev yekhapth vath kochatho von karacha. Sogan khadoch katho vona puro karacha.

VUJ Dev thon sada thar katmalemathi, thu karrojako kaamer jagethi ann tharo sevama vuncho padevalo cha. Jesaru Vu Deven stuthi karan aradhana karan, viswasmema jorpalen ghat ra.

Aaj yetheyhi ma yek aach maryadi dero jeevanen banchuchu kan hakkamethhi ka. Jana Dev thu karasjako seyji prayathnmema saphal dacha. Thar vasu Dev ladai maran thona jayam lathanu ashish karacha.

Paul Corinthivalun kacha (2 Corinthivalun 2:14) Chisthuma herghadi hamena jeethaju karan sey jaagemayi hamathi vona valaker gener vasena malam vaju karajako Devena sthuthi veda. Vodadema Yisraelevaler mundag chalo jako Devaj, aaj thar mundag chalan thona jayam dacha.

Asso sanmaan karero jeevanen yekkaj koni pan thona Pavithar jeevenema sada vuncho vuddadacha. Dever vath kacha (Deemovupadesher Grandh 28:9) Thar Prabhu chajako Dever agnana maanlen Vor vaatema chalastho jana Dev sogan khadoju thon Vor janner nai karlacha.

Pavithar kajako vathen munder bolithi kerveni. Kankren katho kanna thu Pavithar jeevano banchan niyathethi rechiko jana sathan thar daay ayen sada dhaak padacha. Thu kanna Pavitharethi rechiko jana Dever prasnnathema hamesha rechi. Jana Prabhu Vor anmoler loyeethi, vathethi anna Pavithar Athmathi shudh karnakacha. Mar premer Dever beptavo thar kaam yekkaj thu thar Pavithar jeevanema sudho rastho Dever kaam kaikatho thon vuncho paderoj.

Ajji jada dhyan karen pado Deemo Vupadesher Grandh 28:10, Yehovar naamema tharo naam balavukrajana jammiper chajako sey manikyavo  thona dekan chamkacha.