Nov 28 – PHISANG AHUM!

“Aduda Pitarna Jisuda hanggatcharaki, “Prabhu eikhoina mapham asida leijaba phei; Ibungona yabirabadi, asida eina khangpok ahum, Ibungogi damak ama, Mousigi damak ama, amasung Eliyagi damak ama sajage””(Mathew17:4).

Jesuna chingthakta saklon hongba matamda Iswargi loinabiba aduna mahakpu asukki matik nungaiba pikhi. Mahakna nungai manduna mapham aduda leibasi yam phei haina Jesuda haidoklamkhre. Madu kayada chumkhrabano? !

Punshigi awaba kayada luppa saruk chingthakta saklon hongbagi thoudok adu phanglaga Prabuga nakna loinaraga haraona leijabasi kayada phabano! Madugumlaba chingthakki punshigi thoudok aduna nahakpu Iswargi thougan toubada panggal pigani. Maduna nahakpu Prabhu gi damakta thouna phana leppa ngam hangani.

Peter adu yamna thabak kanba mi ama oirammi aduga mahakna thabaksing asi athuba maongda loisinba pamkhi. Mahakna Prabhu bu nungshibana thankhi. Aduga Moses amadi Elijah na uhanba matamda mahak thouna yamna phangkhi. Mahakna kari haidoino haibasu khanglamde haina Bible na hai khi.(Mark9:6).

Nungshiba Iswargi machasing, Moses amadi Elijah na eikhoibu hundoklaga chatlamloigadabani maramdi makhoi anina eikhoiga loinabasi aphabani. Madugumlaba thoudok haibadi Iswargi asengba manaising uba haibasi thamoida kaya matik haraobano!

Moses ga Elijah aduna Jesuga khut samnaraga thabak suminnarabadi taibang apumba niklamgani haina Peter na khallambasu yai. Madu oibadata Israel machasing asi Roman singgi makhadagi ningtamba ngamgani. Aduga makhoina taibangda achouba ningthou leibak ama lingkhatpa ngamgani.

Peter masana kari khallam bano amadi kari nganglambano haiba munna khangjadrabasu mahakna mahakki pukninggi apamba adu asumna phongdokkhi, “Prabhugi aningba oirabadi…” Masina takpadi haijaba khudingda Peterna Iswargi aningbasi khwaidagi maru oihalli haibasi khangba ngammi. Nahakki darkar leiba adugi damakta haijaba matamdasu nahakna Iswargi aningba adu hanna thiba maru oibani. James nasu asumna ikhi, “Iswargi aningba oirabadi masi tougani madu tougani haigadabani. ”(James4:15).

Gethsemane ingkhonda Jesu na haijaba matamda Jesuna asumna haikhi, ” Ipa masigi tenggot asi Eingondagi louthokpiyu, adubu eigi aningba nattaduna Ibungogi aningba oisanu”(Mathew26:39). Nungshiba Iswargi machasing nanggi punshida Iswargi aningba thoknaba haijagadra?

Dhyan tougadaba:“Nanggi phisang da leiba Iswar, nanggi asengba chingthakta leiba?”(Psalm15:1).