Nov 29 – Apuni ke uthai diye!

Deuteronomy 28:1 Isor apuni laga Jehovah apuni ke prithibi laga sob desh laga uporte rakhibo.

Amikhan laga Isor tai ase jun hi apuni ke uthai diye aru apuni ke ashirbad kure. Tai hi apuni ke rasta dikhai aru aru apuni laga sorom kha ke sess kuribole diye.

jitya Isor Abraham ke matishe, isor taike kosom dishe sobse upor kuribo loi kene aru koishe: ami banai dibo apuni ke ekta dangor desh(Gen 12:2)  itu kosom tu khali Abraham karone ekla nahoi hoilebi puni khan sob karone ase. Aru kun pora itu kosom tu amikhan ke dise tai tu dan korta ase aru itu tai pura kuribo.

Tai pora hosa bi apuni ke dangor kuribo apuni laga parivaar te, apuni laga kam kura jag ate aru apuni laga ministry te. Itu karone tai laga naam uncha kuribi aru dhonyabad dibi, aru Biswas te tagot hobole dibi.

Aji nijor laga muk pora itu ke swikar kuribi, ki Isor pora apuni ke dangor kiribo aru apuni ekta honman laga jibon thakibo. Isor tu apuni laga sob kam te apuni ke jitai dibole mon. isor pora hi apuni laga dukh khan ke jhuje aru apuni ke ashirbad laga jit ani diye.

2 Corinthians 2:14 hoilebi Isor ke dhonyabad ase! Kilekoile krista logote milikene, Ior laga rosi te bandhi kene Krista laga manu hoikene jiti thake. Isor amike Krista laga kotha ke bhal pora bujai kene, ekta bhal gun nishina sob jagate phelabole di thake.

Kilekoile jitya laga Isor jun hi Israelites khan laga agete thakishe aru itya apuni agete ase, apuni hodai jitya laga jibon hi thakibo.

Khali jitya laga sonman ekla nahoi, hoilebi Isor apunike uthai dibo apuni laga pobitrota te bi. Pobitro kotha te koi: Deuteronomy 28:9  itya  ki niom cholaikene itu kotha milai kene rakhi ase itu khan ke biswasi hoikene mani kene thakibi, tinihoile apunikhan ki kuribo jailebi parijabo.

Pobitro hua tu hoile iku kotha pora bi amikhan bujabole naparibo. Jitya apuni pobitro aru hosate ase, satan kitya bi apuni laga usorte biahibole naparibo. Jitya apuni pobitro thake Isor bi apuni logote thake. Tai hi apuni ke pobitro banai aru aru apuni ke sapha kure tai laga khun pora aru tai laga  pobitro kotha pora aru tai laga pobitro atma pora. Oh Isor laga bacha khan, lage pora hi pobitro laga rasta te thakibi aru Isor pora hi apuni ke uthai dibo.

Aji bhabna kuribole laga pobitro kotha tu hoile Deuteronomy 28:10 titya prithibi laga sob manu khan dikhibo Jehovah nije tai laga nijor manu banai loisearu sob manu khan apuni ke bhoi lagibo.