Nov 28 – Tinta tamboo!

Matthew 17:4 itu sai kene Peter Jisu ke koishe, “malik amikhan yate ahikene kiman bi bhal hoishe. Apuni monjur hoile, ekta apuni nimite, ekta moses nimite aru ekta Elijah nimite tripol laga ghor banai dibo.

Peter tu bishi khushi hoishe Mount te Isor logote jai kene. Tai khushi pora bhorta hoi thakishe aru Jisu ke koishe, itu jaga tu bishi bhal ase. Kiman bi hosa asse!

Ami khan nijor laga dukh digar ke bhabna kuri thaka pora tu hoile kiman bi shanti  ase Isor ke pai kene tai logote thakibole pa tu! Inika khushi aru mon te shanti hi apuni khan ke swarg laga tagot dibo apuni laga ministry ke tagot pora cholabole nimite. Itu pora hiapuni ke badly kuri kene thik pora Isor nimite khara kuribole dibo.

Peter tu hosa pora bi bishi alag thakishe aru  hodai din tai laga kam khan ke bhal pora hi hobo dibole mon. tai tu Isor laga morom pora bhorta thakishe. Aru tagot pora hi bhorta hoishe jitya Moses aru Elijah laga atma tai khan ke dikhibole dishe . pobitro kotha te koi ase ki tai tu itu homoi te ki kbo itu bi najanai thakishe(mark 9:6)

Oh Isor laga bacha khan, moses aru Elijah pora ami khan kitya bi alag nahobo lage , aru judi tai khan ami khan logote thake itu bi bhal ase. Inika Isor karone kam kura laga pracharak khan amaikhan dikhibole pai kene kam kurile kiman bi bhal.

Peter bi bhabna kuri thakishe pare,  judi moses aru Elijah bi Jisu logote kam kurile tai khan prithibi tu hilai dibole thakishe. Aru judi taikhan iki thakile tai khan Israel laga manu khan ke roman rajyo pora bachai kene ekta Isor laga rajyo  banabole paribo thakishe.

Peter nijor bi tai laga kotha khan ke najani thakishe tai nijor laga bhabna ke koi thakishe, Isor ami bhabna kure…. Itu pora hi dikhai diye kinika peter pora tai laga prathana, icha khan khan Isor ke dibole mon. jitya apuni khan bi nijor laga prathana ari icha khan Isor ke diye, hodai din Isor laga icha ke janibole lage. James pora likhe: : apuni khan asolte itu kobo lage “Isor laga monjur hoile, aru amikhan jinda thakile ami khan itu koribo nshoile utu koribo.”

Jitya Jisu krista gethsemane garden te prathana kurishe: tai muk tu math ate giri kene, prathana kurishe itu koi kene: oh ami laga baba, parise koile, itu dukh kea mi pora hati jabole dibi, ami laga icha  nahoi, hoilebi judi apuni icha kure. (matthew 26:39)Oh Isor laga bacha khan, apuni Isor laga icha rakhi kene prathana kuribi apuni laga jibon te.

Aji bhabna kuribole laga pobitro kotha tu Psalms 51:1 apuni laga kitya bi khotom nohobole laga morom nimite, oh Isor amike morom kuribi. Kile koile apuni bisi maph kuri thake itu nimite amilaga pap khan ke hatai dibi.