Nov 29 – D’ONG-BEN ABGUGUTE!

“etteden kani ordar lingan a kuddub jattinji saring Gamang Kitung-ben d’ong-ben abgugute” (Bagujuanaber 28:1).

Kitungle absittale do abdainalangtenan a Kitung. Anin d’ongben apemengte. Anin ganaroj denna abs’idle do tabkudte.

Angante Kitungan Abraam a d’ong gudingle, Anin lanankaban dakule do gamle: “Hen mangba-nam saring aboi surda birindan amdungtai bar d’ong-nam Hen absittale ahim-nam abgugutai, do anabsitta mar abmetam” (Aparamangtan 12:2). Kan a berna Abraam sattangted apsele adakuad bindo nami kuddublen apsele janang, ayengan a mandranji janggardadage Abraam saring yirraiji, derna batte.

Kitungan janang gamle Abraam a d’ong: “Ayengan a mandranji d’ong-nam absittateji, Hen aninji a d’ong absittatai, bar butente d’ong-nam angte, aninji a d’ong Hen angtai. Bar mangba-nam saring ordaran a kuddub birindanji sttan hangteji” (Aparamangtan 12:3). Kitungan a berna agaja abandane. Do ayengan ajanzbjzban lumle kun ate abojoraite.

Anin d’ongben abdainabenten birindaben saring, bararaben saring do baralingben saring. Anten asan, abguguba do sanensenan tiyba, do derna-lingben abraduba.

Nami a denna saring gamba, Kitungan abdainabenten do amben gugudage amandrengna abhanate. Kitungan kuddub bara-ling-ben daina tiybenten. Kitungan amben abmele sanuten do anabsittan a dainatiybenten.

“Bindo ayengan a Kitungan dile tordong Kristun batte dainagod lingan abanjengtalen, Anin a d’ong sanensenan de-ete…” (2 Korintia 2:14). Israel maranji saring ayengan adaina-Kitungan a mangodlen, Anin anlen ampara a mangodten, amben do dena-ling-ben daina a hangte.

Panemengdage anabdaina sattang ted, bindo Kitungan manarid-ling-ben janang abdaina-benten. Bibolan gamte: “Bogad amben Gamang Kitung-ben a banaihan a mannelenden do Anin a god linganji a halenden, etteden Anin a jzbjzblen ambrij Anindaman apsele d’ong-ben Anin a maridmarge tabngijtaben” (Bagujuanaber 28:9).

Bernanji manarid-lingan argadlamle adraptibe. Angante amben marid do roitad, sonuman mangben janang adyirai. Angante amben marid a dakute, amben Kitungan atanurdun barij gamele adakuten. Anin madridle do marid abmebenten a mihaman batte, a bernan batte do Marid Janggardan batte. Tanahimdam Kitungan a onagji, amben marid mandrengna abhananaba do daina hangba!

Okiy Kinolbe absele: “Bar Gamangtungan Anin a mandradamanji abmeben asan d’ong-ben sedaeten, gamle kuddub ordar mandranji gijan gijle d’ong-ben bantongteji” (Bagujuanaber 28:10).