Nov 27 – CHANGYENG AHUM!

“Maramdi taibangpanda leiriba pumnamak, hakchangna pamba, mitna pamba, amasung punsigi napal Ipadagi natte, adubu taibangpandagini. ”(1John2:16).

Hakchanggi apamba, mitki apamba amadi punshigi napan asi Satan gi khwaidagi tamthiba khutlaising aduni. Masi ahum asi sijinnaraga mahakna Eve bu Eden ingkhonda themlami. Aduna Evena apha-phatta khangnaba uhei adu chaninglammi. Biblena asumna hai, “Nupi aduna uhei adu yengbada chabada kannaba, mitta yengbada apenba oikhi, aduga madu charaga singgani haiba aduda mahakna uhei adu heklaga chathokkhi. Mahakki nupa adusu pijakhi. ”(Genesis3:6).

Mathakki verse adu munna yenglabadi, hakchanggi apamba, mitki apamba amadi punshi gi napan ahum asina punna thabak touminnaba adu uba phanggani. Adam amadi Evena changyeng aduda maithibagi maramna makhoi anina Iswargi manaktagi awaba tengthabaga loinana chatthokpa takhi.

Aduga Jesuna lamhangda numit niphuni amadi ahing niphu chara henba matamdasu masigi changyeng ahum asi sijinnaraga thembikhi. Masigi maramda eikhoina Matthew 4 da uba phanggani. Mahakna Jesubu thembada ahum asi mathang mathang sijinnakhi. Adubu Jesuna Iswargi waheigi mapanna changyeng khudingbu ngamkhi. Satanna su Asengba Sastra waheidagi ngangnaba hotnarammi,adubu aremba takhi. Maramdi Iswargi waheidi changyeng amadi Satan gi mathakta panggal leibani.

Punshida lakpa yaba changyeng amadi athemba mayam asi ngamnaba Iswargi wasaksing asi thouna phana laothokkadabani. Nangna sijinnagadaba Bible verse adumak nangonda ningsinghangani. Madu nahakna haidokpa matamda lan ngamgani. ​Taibanggi athemba ngambada khwaidagi tamjaningai oiba adu Jesu Christa asini.

Adugumlaba changyeng amadi athemba ngamlaga asengba punshi hingkhraba Jesuna nangondasu lan ngambagi panggal piba ngammi.

Satanna Davidpu themlaga Israel misinggi masing thihallami. Jesubu yonthoknaba Satanna Judas bu senthumda themlammi. Mahakna Peter su gehu bu mahamdagi humdokpagumna humdoknaba hotnarammi. Mahakna Ananias amadi Sapphira busu Thawai Asengbagi maiyokta oidaba ngangnaba thembirammi.

Nungshiba Iswargi machasing Satan na nangbu kaya matik themba tarabasu Iswar na nangbu loinabi haiba kaoganu. Nahakna lan ngamnaba Mahakna panggal pibigani.

Dhyan tougadaba:“Eina ngamladuna eigi ipagi phambanda ibungo mahakka phaminnaraba adugumna ngamliba mangondasu eiga eigi phambanda phamminnaba pibigani.”(Revelation3:21).