Nov 27 – YAGI TANUNJINGAN!

“Iten asan gamlenden ordar lingan itente a kudduban daku, manan, d’ongan a ogir-magadan, m’odanji a ogir-magadan, bar mandrengnan a kinsan, antate U’an saring ted, bindo ordaran saring dele” (1 Jon 2:16).

D’ongan a ogir-magadan, m’odanji a ogir-magadan, bar mandrengnan a kinsan kan yagi sonuman a janaban. Kani na ate tungjingle Oban a d’ong, Eden kuttan lingan dele, do anin amonna kurle kun j’on a jumben asan ganalamj’on bangsa orde er bangsan. Bibolan gamte: “Seletten insalon, kan a neban bo bangsa janumjum amdungte do garijmaddage bar ganalaman tiyten a neban, gamle angante gijle, kun j’on rule jumeten. Bar anindam a tanongban a d’ong tiyeten asan anin janang jumeten” (Aparamangtan 3:6).

Angante anlen gijtabe bangsagam a kznollaben a kardan, kan yagi tanunjinganji a bo maina-lingan daku, a himanji D’ongan a ogir-magadan, m’odanji a ogir-magadan, bar mandrengnan a kinsan. Adam do oban tanunjing-lingan galuleji, aninji Kitungan atimangban saring yirlesidleji, arasudan do danukkan batte.

Okij, angante Jisu arznrzn darakunaban dakule, bakurdi dinna do bakurdi togal a namneten a tiki, sonuman a d’ongan tungjingeten. Anlen kan abmele kznolleraptitabe bangsa-anoblingber Mattiu, 4 a surda lingan. Anin a d’ongan yagi tanunjing-lingan piddle, aboi saring aboi Jisun a lanangkaling. Bindo sonuman a tanunjingan saring dainan hangle, Kitungan abernan batte. Angante sonuman Bibol-lingan saring aoblingben susule, kun ate kayatinge dele. Iten asan gamlenden Kitungan abernan ranaptidam kuddub tanunjingan saring do sonuman er marid anogalanji.

Tanunjingan do anabkalkalan saring dainan ahngben asan mandrengna-lingan, anlen abernaben dete Kitungan a bernanji. Marid Janggardan pangtai monna-ling-len, kun ambrij ayam-ling dainan atiyben asan sayamlangten. Kitunglen Jisu Kristun arobjongber amandrengna do abara-lingan, kan ordar-lingan, d’ongan do sonuman.

Kunina a Kitung, Jisun Kristu, ayengan a tanunjing saring dainan hangle do marid mandrengna abhanale, Anin na d’ongben ja dainan tiybenteKuddub tanunjingan mandrengnan saring.

Bo denna sonuman Daudo a d’ong Israel a mandranji arukkuben asan gamle. Sonuman Iskarit Judan a d’ong janang kurle gamang maranji batte, Gamangtungan a d’ong a sanggemben asan. Anin Pitor a d’ong janang tunjinle. Anin Anania do Sopiran a d’ong janang tungjingle ajoldana-ben asan Marid Janggardan atimangba.

Tanahimdam Kitungan a onagji, ite-janang sonuman alumten duai-baraji, Kitungan amben ampara daku, asayamben asan, asanunaben asan, arapduben asan do dainan tiylangten.

Okiy Kinolbe absele: “Butente dainan hangte, anin a d’ong Hen ampara raja-garobgob-ling-Hen a gobben asan tiytai. Ettegoi na Hen dainan hanglai do U’a-Hen ampara Anin a raja-garobgob lingan goblai” (Anabpungge 3:21).