Nov 26 – YAGI SAKKINJI!

“Yagi sakkinji daku, manan, Janggardan, d’an bar mihaman. Do kan yaginji aboi na” (1 Jon 5:8).

Tidne anappai Pol yagi sakkinji abmele oblingte – Janggardan, d’an bar mihaman. Kan kudduban a sakkinji maridaman na, kan batte mandran Kitungan atimangba dakulen raptite.

Papwr Anosaijan ayam-ling, bogad bo mandran raja a timangban ayirben dakulenden, anindaman bangsa baran alumben dakule. Bibolan gadlamlangten kan yagi banangsa aberna. Danisam kamb’ol-lingan, 19 a kardan, anlen kznoltabe marid d’an abmele, ayengan abernan d’ongdage a madridte ate.

Mihaman batte Madrid-damna, along d’ongan amadridte ate gadlamlangte, orde pwrardan anab-madridan ate. along marlen Kitungan batte anabjurdin abmete, kan murdadaman aberna pwrardan a madridben ate.

Bibolan janang anab-yagi manadridan aberna gadlamlangten, ayengan Janggardan batte. Anlen kznoltabe Jisaya 4:4, Seletten Gamangtungan a banitsara janggardan do a janumtud janggardan batte Sion a insalo-onanji adilan, bar Jirusalem lingan a ganablu mihaman gijjale abmaridte…”

Angante Gamang Jisu ordar-lingan bara lumle, Anin arasinaman lingan d’an rumale, a hanangna maranji a j’enganji abajengben…(Jon 13:5). Nami janang, d’an batte a tububd’an, Gamangtunglen batte bo mainan delangten.

A hanangna maranji a j’enganji abajenglen a tiki, Jisun a mihaman lale kalobori arakadang lingan. Do Jisun a mihaman batte kuddub pintulenji tanamadan dele.

Kun atiki pentikoston a denna-lingan, Marid Janggardan labsolai u’ante amanengba rukulenji. Kuddub yagi manaridan, d’an batte, mihaman batte do Janggardan batte, Kitungan amandranji abmele jznjzn murdadaman aberna.

Bogad Jisun abkubdamnetenden do arakadang-lingan a mihaman adlaetenden, enegoi badih dakulangten pintulenji batte, buteja Marid janggardan jalebadih adrabtebe j’e-ling-len. Anten asan papwr anosai-lingan, anlen kznoltabe do Marid Janggardan tambardika ayirtaihn ate, do dile tordong adniai dakune mandranji a j’e-ling.

Bindo anlen manaridan deandele Marid Janggardan hanglabe, Jisu Kristun a mihaman batte, arakadan-lingan lale. Kan ate Jisun a mihaman a lale anlen apselen ate, anlen hanglabe mandrengna. Do Kitungan Janggardan dakule, Marid Janggardan batte jaboblai. Yan amurda ber kan ate gugudage mandrengnan Jisu do Marid Janggardan a ranaptin, anlen ampara! Tanahimdam Kitungan a onagji, surpid-damnaba a Madrid-damnaben asan.

Okiy Kinolbe absele: “…iten asan gamlenden Aman kanabhid dele, do dile tegan, dile l’angan, dile birindan bar dile jattin saring mandranji a d’ong Kitungan apsele a miham-Nam batte tikuijle; bar Kitung-len apsele raja-singmar do buyanji, gamle Aman aninji a d’ong abmele, bar aninji ordaran a lanangkan rajagodteji” (Anabpungge 5:9,10).