Nov 24 – YAGI ANABKZLKZLANJI!

“Danerder lingan m’oihnaba. Kanalkal lingan sayenaba. Garber lingan tordong ayam erztnage dakunaba…” (Romi 12:12).

Kan a kznolan batte, Marid Janggardan gadlamlangten yagi anabkzlkzlanji a bernan. Kan a kardan-lingan bangsale gadlamlangten yangam Kristu-maran derna-lingan dakunaben dete, danukan do garberan.

Anab-boi, derderna-ling-ben m’oihnaba. Kan ordar-lingan amandranji lebu-lingan, bitti-lingan, do abara-linganji derdertenji. Bindo kan kudduban san’idage bo bardika abmele. Anten asan, Kitung-lingan derdernaba.

Sanenken Daudo gamte: “Mang-ling-Nam juju-lenji derderrenji; aninji derrenji do Aman aninji a d’ong dandrable. Aninji mangba-Nam edalenji do ranabraban hangleji; aninji mang-ling-Nam derrenji do ganaroijan addeadji. Yang-hen a darakkuon lingan saring mangba-Nam sanurpidan delih; yang-hen a kampong lingan saring Aman Kitung-hen daku” (Sanenken 22:4,5,10).

Bogad amben a derrenanden Kitungan Jisu amang-ling, sanayaman yaryarmanengbaben dakute (Sanenken 32:10). Derderna-lingan m’oihnaba. M’oihdam ayengan a mandran Kitungan amang derderten (Sanenken 84:12).

Anab-bagu, danukan ayam saile dakunaba. Dile mandranji karudkudan deleji kan ordar-lingan, danukan saring sanle ayirben. Dile mandranji kan adarakuna-lingan atanangben dete, hangna-lingan danukkan atagoran sanle ayirben dete. anlen agaja a ogandibented Kristumaranji ijaja kanalkalan adhageji gamle. Kitungle Jisu anindaman gamle: “Ordar lingan kanalkalan gatartaben, bindo umangnaba, Hen ordaran abladnale dailenai….” (Jon 16:33).

Amben a hangnaben dete er bantonglabe a dakuna apsele engale danukkan ayam-lingan saile adakunaben asan. Bogad amben abantongleden, sonuman a d’ong abm’oihte. Kan aboi danukkan atangoran ayengan ruangba urutaben. Anten asan, danukkan ayam-ling asaiben-dete. Anappai Pol gadlamlangten diletordong a dernaben apsele, anlen Kitungan a rajamban aganben apsele, ateng danukagodan sanle (Anappai 14:22).

Anab-yagi, garberna-ling-ben labyw-dam-ling dakunaba,  garberna-lingan akudidongne. Garberna-lingan labyw-dam-ling dakunaba do surpiddamnaba. Kitungle arobjong beran gadlamlai bo juarbojan abmele, yangam garberna-lingan dakunaben dete. do arobjongberan atanakudan, anlen gijlabe yangam janardi anin hangle, sanai-batte, kan ambrij andusan saring (Luk 18:5). Tanahimdam Kitungan a onagji, agaja akaridadong kuddub ganarber-lingan Kitungan a jalanglangtenan ate.

Okiy Kinolbe absele: “Bar garberan garberre uante aninji rukkulenji anta darakunan yuryurneten, do kuddubanji Marid Janggardan batte barij dean dele Kitungan a bernan uywban batte oblengleji” (Anappai 4:31).