Nov 23 – THEEN GODO

LUKA 16:22Pacha vu gareeb maran, Dever sojathi Abrahamer godema besena vupadgo;saavukari margo vona dhood kide.

Aaj theen goder vadithi dhyan kara. Vo kunas katho Abrahamer godo, Deleelar godo, ann ashisher godo.

Agedi;Abrahamer godo vu godema haram malacha. Yee Abraham YISRAELEVALEN pad dada, viswasivun sejini baap, ann Yisrael jannemaj ghano moto vetho. Lazar vor velabhavetima margo jen haramethi rakadevasu  Dever soja Abrahamer godema besaro. Hanoj thar jeevanema sada velabhavetima marjavathoi thon Dev Vor hariyar bagema hamesh haramethi rakadacha.

Deemo godo;vu Delilar godo, thodsek admin godema sojavatho vuj hariyar bagema chaju kelacha pan vu godo hamesha velan lavachkan vorpacha malam vacha. Vuj Delilar godema Samson kajako Yisraelevalemaj  jorevalo ann nevukarevalen savarmelithi. Apan sen malam chaju vorpacha kaiveechkan, Samsoner anki kanake, mathen bodi gundu karnake, jethi vorema vethijako joren ann motpanen sejini gamalino. Jethij thu assa godma sojavanaju cheti dhasanjaan loker papema padajomath. Dever vachan hano kacha ( Gener vaath 2:18, 19) Vor ghar mothenan, vor vate margejer dayi chalavacha. Vor dayi jayevalema koyithoi hoto pareni;jeever vaat vundena maleni.

Ajji Dever vachan kacha (Gener vaath 5:8-14) Thar vatena vothi cheti rakad, vor gharer bakaler dayi jomath.

Javastho thar maanena paralevalenan, thar vummarer dadena phajithi karevalen dechi. Paraleval thar dhannethi dhapacha, thar kashtar kamavni paralevaler gharema javacha. Pachadiya thar botin, thar jeevada sukhavajana thu dhukh paan, baapurey, aacho seekhvadina ma cheti kido;dalkarejanai von maar dall yinkar kidi.

Manna bodh kidejer vathena maneniju, manna seekhvadi dinejena ma kaan dinokoni. Golaver malayema, ma puro hall ver vagathema aanpadokan kechi. Theenmo godo ashisher godo; tharo godo ashisher godo venu katho thu puro dallethi ajjeken der vishayama mundag renu. Jethi Yesu Dev ko ( Luka 6:38) Do jana thamena dacha, daaban halaan bharan radaju, achonaapan manakya thamar kholema ghalacha. Tham kethi naapochoko vothij tham napaalocho kan ko.

Mar premer Dever beptavo thu Deven dasjana dall purethi denu. Ann avasaramema chajena gorgareebena dasjana saspanethi denu. Jana Dev thona barpurethi ashishen karacha.

Ajji jada dhyan karen pado Demovupadesher Grandh 28:1 Thar Dev apaner Prabhu thona dharthiperer deshema chajako sethi jada ashish karacha.