Nov 22 – THEEN MUDRA

Ephesivalun 1:13Tham sada, thamar rakshanar aacha khabarer sather vaathena saamlan viswasi vejana, bachan vojako Pavithar Athmar Mudraan leldecho.

Dev thamen Pavithar Athmathi Mudra ghalmeloch. Vu Pavithar Athmaj thu maar vaalo kan malamkaracha. Dever mudra Thar vumper ratho vimochaner daad thu chamker kaam cheni.

Juno kararema Abrahamen Dev manikyan suntha karnu kajako mudra demelotho. Hamoj sey choravo Dever saru taalnakan vunen suntha kidethey.  Ye talamelejako dusar admithi chetiven Dever soganer vathen hakdar vemelech.

Abraham suntha karamelejako sejini moto baap vego. Yeej sunthar mudrathi Yisraeleval seji Abrahamer vadithi Dever sonth jann vegey. Vo jann Prabhuthij chodathani dharthiper pavithar jann vegey.

Yee suntha karero Yesu Christhu siluvaper marojethanu kaam kidithi. Yen Prabhu hano ko tham athmik vadi thamar dallkajako jeevadan suntha karlenu.  Jethi Yesu Dev jeevadan suntha karamelejethi jada viswas karastho dhero vunen niyatheydar karnakacha, atho suntha karayer avasaram cheni. Jervasu Paul kacha (1 Corinthivalun 7:19) sunthayi kai cheni, bana sunthayi kai cheni;Dever agnana maaneraj jarur cha.

Navvo karema Prabhu Pavithar Athmaj mudrar nai demeloch.  Yee seal chajako kenvatho chako vunden moth red pathalanema  lejavajako Sojavuthi ghano cheti karnakuchu. (Darshaner Grandh 13:17, 18) vachanema dekatho velar daadema Satan Anthya Chrsthu dakal aathanu 666 mundran ghalacha. Yee theen 6 numberema yek 6  number saapena, ajek 6  jaanvaren ann vajjek 6 number labbarya bhakthidaren dekhalacha. Ye theeni bhalan Anthya Chrsthu vor nayakpanen yee jagema lavach.

Jethij mar premer Dever beptavo tham pavithar jeevano banchen Deven havaal karlotho jana Anthya Chrsthur hathema haljavanaju jathan karacha. Ann Pavithar Athmathi hamesha abhishekmethi bharan revo kankren katho apaner Prabhu jaldin aayevaalo cha.

Ajji jada dhyan karen padoEphesivalun 4:30Vajji tham rakvaaliver daadevas kan mudrar nai liddejako Dever Pavithar Athmana bada karavomath.