Nov 21 – MAAYIRVADI AGADIYA SHUDH KARO

Mathai 23:26… Kacholin thaali  baar shudh vena, vunder mayeervadi agadiya shudh karo.

Prabhu asa karaju thar kaamen achethi karastho  jana Dev Vor vodithi ashishen karacha. Agedi Dever rajyamen ann Vor niyathen dhundo. Hanoj thar jeeven sada shudh karlenu lagacha.

Thu godiper hubaran vinathina arajen kerochikaiko. Atho thar dallen shudh chenitho kukan Prabhu thar araj saamliye? Yeej saasi samasya ratho thar araj adothedothin, paper badhathi shuru karrochikan aratham. Jethi Dever vacah kacha(Yeshaya 59:2) thar athij Devethi thon door karrich. Thar paapaj Dever munden dekanaju kokanakich. Jethij Dev thar araj samalrokoni.

Agedi thar maayima seji Yesur loyeethi dolenu. Hano shudh karlen araj karajakonen prabhu maanlach. Nathakan thar paapethi Yesu baapunaj dos karnakech.

Thu doodh layen yek kacholi lejarochikela vu kacholi dhoodదూడ్ bhararijako ann samor dhoyekonthi katho kun vatho doodh ghalach katho. Hanoj thu Pavithar Athmathi abhishek paavnu katho agedi thar maayima chajako jeevadan dholenu.

Thu Dever sari maapi chavanu katho thu thar saari papen maap puchlenu. Thu kathra hoto pharnu ko athra jadaj hoto pharnu kan Malamkarla. Thu kidojako saraper kaamen ann maado kaamen sejini Dever mundag thar ankir haasuthi maap puchnu. Janaj Dev Vor dayathi thon thar dallen shudh karan Pavithar Athmar jorethi bharnkacha.Apaner Dev bharer kacholi dhovajen yishta kareni pan mayimar kacholi dhovajen yishta karachakan kanai herdemella.

Ajji jada dhyan karen pado1 Yohan 1:9Apaner paapen apan maanlatho, Vu apaner paapen maap karan, soli Bananyathethi apanena pavithar kare na Vu saspaneran, niyathero cha.