Nov 19 – Tai lagaa chehra bisaribi!

Psalms 27:8 jitya apuni koisile, “bisaribi ami laga chehra,”ami laga mon apuni ke koishe, “apuni laga chehra, Jehovah, ami bisaribo” Jitya apuni prathana kure, apuni Isor laga chehra sai. Jitya apuni tai laga morom te thake, apuni laga jibon ujala pora bhorta hoijai, aru apuni tai laga chehra prathana  te bisare.

Moses tu 40 din aru 40 rati Isaor laga usorte thakishe, tai laga chehra bisari kene, mount Sinai te. Moses laga chehra tu chamki thakishe jitya tai mount Sinai pora namishe . Israelites khan tu tai laga chehra sabole paranai, kile koile tai laga chehra te bishi ujala thakishe. aru Stephen laga kissa bi inika hi ase, judi bi manu iman pora taike pathor mari kene morai dishe, sob pora dikhishe tai laga chehra tu duth nishina hi chamki thakishe.

Kun manu bi jun hi prathana kuribole hari jai, tai Isor laga mahima laga ujala bi harai diye. Kilekoile tailaga prathana laga komjuri pora, tai prathana nakura tu hoile Isor laga Shakti ke mana kura nishina ase. Itu tu hoile Isor laga mahima aru swarg laga ashirbad khan ke lobule age nabahra nishina hi ase.

Ekta Abraham laga purana kisa ase. Jitya ekta dusra manu dorbaja te khara hoi thake. Jitya tai ekta dukhiya manu ke tai laga dorja te khara kuri thakia dikhishe , tai itu manu ke morom pora matishe  aru taike pet bhorta khabole dishe tai laga bhuk mitabole nimite. Hoilebi tai mon dukh hoishe jitya itu manu Isor ke dhonyabad nakuri kene khabole shuru kurishse. Tai itu manu ke gali dishe aru wapas pothaidishe.

Utu din te Abraham laga vision te Isor ahishe  aru taike koishe, “ami itu dukhiya manu ke 70 sal tok pet bhorta kurishe. Tai amike kitya bi dhonyabad kuranai hoilebi ami taike pet bhorta  kuri kene taike dangor kurishe. Hoilebi apuni tu ek bar karone bi taike dhonyabad nakura tu bordasht kuribo paranai? Ami Jehovah, jun hi suraj ke ujala kuribl diye aru dhoop aru pani sob bhal biya laga uporte barabar giribole diye, hodai din karone ruikhya kure.

Oh Isor laga bacha khan, ami khan laga Isor tai ase jun hodai ami khan ke uphar diye. Aru apuni khan prathana kuribole hodai yad kuribole lage, tai inika khan ke hi aru bi bishi ashirbad kure.

2 chronicles 7:14 judi ami laga manu khan jun hi ami laga nam mate nomro hoi kene, aru prathana kuri kene ami lga chehra ke bisare, aru biya rasta khan ke chari diye, titya ami swarg pora hunibo, aru tai khan ke tai khan laga pap khemai kuribo aru taikhan laga jaga ke changai kuri dibo.