Nov 18 – BUDPANEMA

Yesaya 46:4Thar  budpanema sada thon paldevalo Maaj, thar mather latta dhol vajethanu thon paldevalo Maaj, Thon Maaj srushti kidochu  thona Maar saankema  ghallevalo Maaj ,thon palden rakshana devalo Maaj.

Lokema budpanema banchero katho vu phaido chenikelacha. Masaj Bud admivo Kaikelacha katho ma katha budo vejavuntho maar beptana bhari vejavunchu ko? Ann manna vaaru naratho kun deklachko. Pan Devema budchajako  kamjorema kam lapan jorema kai kam cheni. Vu saraper vagath koni pan asheesher vagath vencha kan malam karlenu.

Yek haptha rajakeeya kare vaalen herdey lalatho vuner  navvad vummarema sada javaan manikyar vumarernai rethanu sethi jada jorethi raju dekacha. Voseji , maa hargochu ma yee kaam karuni , keni pan marajethanu karacha kach. Yen karanam kaikatho vo vummaremaj vunen gen jada rach jesaru.

Yee rajakeeyama athra voddan badan jaarech katho vo jaamelejako anubhavaaluj. Yeej anubhavaalu yek niyathdharer jeevanema ratho kathra achamo ann ascharyam viye kunika. Bibilema theen admivo jor ann thakath kam vikoni vo  Moshey, Caleb, Anna.

Bibilema padacha ( Deemovupadesher Grandh 34:7) Moshey marojana vor vummar 120 varas vethi.ann vor ankivo kamjor vikoni, vor jorem thakath kam vikoni.

Caleb sada ko(Yehoshua 14:10,11) Yehoshuvathi Manna 40 varasema Mosey vethojanna kathra jor vethi ko  abbi 80 (assi) varasema bi vuj thakath cha kan ghatto ko.

Annar vadi ( Luka 2:37) vachanema padacha, Asher gothran Panueler beti Anna yek bhakthi danni ra;yee kuvari rajana vaaya karan saathparan gharevalothi banchijako, vu ghano budapanema vethi.

Maar premer Dever beptavo thu budo vejarochikan thar dallema ghabramath. Kankren katho vachanema (Geeder Grandh 103:5) thu bancha athra daad aachpanethi thona dhapadacha;sammelirnai thar vummar pher motiyar panernai navvo vacha. Hanoj Yeshaya 40:31 vachanema sada apanen ghano himmath dacha.

Ajji jada dhyan karen pado Geeder Grandh 71:18 Abba sada Dev, yee peedivalena thar thakathenan , avajako peedivalena sey thar khavver jorena ma malamkaru jethanu; manna haath chodasmath.