Nov 18 – AHAN OIRABA!

“Thainadagi kana amaphaobagi mitna udriba, kana amagi manana tadriba thabaksing, toubibadi nahakpu thajabasinggi damakta nahak natana atei Iswar ama ukhidri kananasu.(Isaiah46:4)

Ahan oiba punshi asi punshigi nungaitaba tangkakni haina taibangna singthanei. Ahan oiba matungda ichasinggi damakta potlum oirakkadra natraga karigumba lai na amada narakkadra haina mi mayam wanei. Adubu Iswargi machasing gi damaktadi ahan oiba punshi asi sonba matam natte adubu panggal kanba matam oi. Masi serap phangbagi punshigi tangkak natte, adubu masi bor phangba matamni.

Taibanggi luchingba mi khara adu yengbiyu. Tamilnadu gi maphamda rajniti oiba Rajaji amadi Periyaar kouba mi ani sina ahan oiraba phaobada prajasinggi awatpa mensinnaba makhoi ani kanna thabak toukhi.

Makhoi anina tumminna pottharaga matam manghanba pamde. Chahi gi matangda di makhoi kari amatana ayetpa pihande. Makhoi anina ahan oirakpada phanglakpa lousing aduna mi mayam bu seba toubada chaokhatpa phangkhi.

Makhoi na ahan oibada mamal leiba lanthum phangkhi. Madu punshi gi thoudoksinggi mapanna lousing phangba aduni. Dharmachenbagi punshi-kayada angakpano! Bible da thouna leiba panggal hanthaba leitaba mi ahumgi maramda eikhoina thengnei: Moses, Caleb amadi Anna ni.

Moses gi maramda Biblena asumna hai, “Mosesna sikhiba aduda mahak chahi 120 oirammi. Mahakki mit sondri aduga mahakki panggalsu hanthadri. ”(Deuteronomy34:7).

Calebna haikhi: ” Maramsina yengbiyu,mapu Ibungona Mosesta haikhiba adu chahi niphu mangarom sujillakle, masi Israel gi misingna lamhangda koina chatpa adudagi houna mapu Ibungona takpikhiba madugi matung inna, eibu houjikphaoba hinghanbiri, yengbiyu,eihak ngasi chahi mariphu manga sure. Moses na eibu thaba matam aduda leikhiba panggal adu ngasiphaoba handri. Lan chatpasu yao-i,chatning chatningba da chatpa ngambagi panggalsu leiri. ”(Joshua14:10,11).

Aduga Anna gi maramda Bible da asumna ikhi: “Chahi mariphumari phaoba lukhra oibi, chahi yamna lirabi oirammi). Mahakna ahing nungthil chara henba amasung haijabaga loinana khurumjaduna, Iswar ningnasang thadoklamde.”(Luke2:37).

Nungshiba Iswargi machasing,nahak asum asum hanurakle haina keidoungeidasu langtaknaganu. Eikhoina Bible da paba adudi, nahakki naha oiba gun adu umaibi amagumna nouhalle. (Psalms 103:5). Asumnasu eikhoibu thougatpikhi, ” Prahuda ngaijabasingna makhoigi panggal nouhouhangani, makhoi umaibi gumna wangna paikhatkani, makhoi chengani aduga chokthaba leiroi. Makhoi chatkani aduga wantharoi. ”(Isaiah40:31).

Dhyan tougadaba: “Houjikti eihak ahal oirakladuna ipok houre, he Iswar nanaibu hundokpiganu, Ibungo nahakki natik nayaidu,lakkadouriba mirolsingda phongdoktriba phaoba Ibungona nanai eibu loinabiyu.”(Psalm71:18).