Nov 17 – Age jai thakibi!

Phillipians 3:13,14 Ami laga bhai kokai khan, ami ityabi utu inam paanai; hoilei ami ki kori ase koile, purana khan ke pahori kene agae phine jabole kuchis kuri ase. Krista pora Isor laga inam lobule polai ase.

Apuni khan kitya bi napahoribi jitya apuni khan ekta thik kotha ke loi Isor laga agete, apuni poila pora bi jitya laga rasta te hi ase, tai thaka laga khushi te aru tai laga rajyo ke bhal kura te.

Notun sal shurau hua laga homoite apuni khan itu koribo koi kene bhabna kure. Itu nishina apuni khan thik kotha bhabna kuri lage notun mohina shuru hua homoi te bi. Itu khan tu kotha hi ase hoilebi apuni khan itu kotha  te thik thakibo lage. Hodai phujur te uthi kene itu kotha khan nimite prath na mangibo lage aru nijor ke Isor laga usorte rakhibo lagve . apostle paul pora koishe, “hoilebi ekta kam ami kure:piche laga pahori kene age laga thik kuri jai.” Hoi itu hi tai laga thik bahbna thakishe.

Sobse poila apuni khan pichete ki thakishe itu ke pahorirbo lagibo jitu apuni khan ke komjur kuri diye. Jun manu Sodom ke chari diye tai sob ke pichete ghuri kene nasai. Apunikhan Egypt ke chara homoi te itu laga piyas , losun khan ke bhabna nakuribo lage

Kinuba manu khan karone toh tai khan laga piche jibon tu bishi dukh  monk e bikhai diya bhabna kea ne. aru kunba khan tu ase jun hi tai khan laga poila anubhav khan ke koi thake hoilebi age te kinika kuribole ase itu najane. Ekbar Bernard shaw pora koishe, “amikhan poila laga bhabna kuri kene budhiman nahoi hoilebi age te ki kuribole asse itu laga zimedari pora hi budhiman hoi.”

dusra jun khan bhal pora bhal hobole bisare tai khan hi age jabole pare. Isor koi yad nakoribi poila laga kotha khan, aru purana saman  khan ke bi nalobi. Thakibi ami notun kotha dibo aru notun laga homoi ahibo. (Isaiah 43:18,19) hodai din Isor tu apuni laga jibon te notun hi kuri thake.

Tisra tu  hoile bus aru ship nishina nahoilebi plane juntu hi ekta thike jag ate hi jai, apuni khan bi inika hi jibon te thik ekta bhabna kuri kene thakibo lage. Aru itu thik kotha tu hoile Krista logote thik rishta thaka laga ase. Oh Isor laga bacha khan apuni bi itu thik rasta te jai ase na nai, aji nijor ke hudibi.

Aji bhabna kuribole laga pobitro kotha tu hoile Hebrews 12:1 itu karone, ami khan bi, kilekoile bishi dangor gavah laga badal pora gherao hoi ken ease, ahibi ek phine rakhi dibo sob bhar, aru pap khan juntu hi asani pora ahe, aru polabo itu daur karone juntu hi ami khan laga agete ase.