Nov 17 – MUNDAG JO

Philippivalun 3:13, 14Bhayiyo, vona angaj pakallidokan ma keluni; pan yek kerochu;laar chajena sey bhoolan anga chajena asakartho, Christhu Yesuma Dev balayojako paramer balaavnir dhasanir phalevas, vu gurina dektho sudho dhasrochu.

Thu  kannai yek theermanam karasjana jayamer vasun khushir vasu ann Dever rajyamer vasu mundag dhasan jarochi kan herde mella.

Navvo varas shuru karasjana kaikaiko karnu hano banchnu kan theermanam karukaracha. Hanoj heryek meena sada karukarnu. Gachab kelero koni pan thu kai theermanam karechiko vor nai revnu. Heryek parabhathi por thu karmelojako theermanamer gali Dever sannidhanamema araj karnu. Apostle Paul saha vor ghat theermanamen kerocha, “laar chajena sey bhoolan anga chajena asakartho,

Christhu Yesuma Dev balayojako paramer balaavnir dhasanir phalevas, vu gurina dekho sudho dhasrochu”.   Thon Devethi door karajako kairathoi vu     kunas rathoi thar deena dasha rathoi sejini agediya chonaknu. Sodomen chonaken ayejako paran hoto deknu koni. Aiygupthethi bhar ayejako paran hoto chodan ayejako nasanen kaandana, tharbujana  machalina vadi herdey lalunu koni.

Thodsekena gojako daadema chalmalijen herdelalatho dallema badha dukh lagacha. Ajji thodsek aang chalamelijako herdey lathanu navvo theermanam kareni. George Bernard sammorethi yek vaath ko;”Apanen chajako gen aang  chalamelijako herdey layevasu koni pan avajako daadema  badyathathi rervasuj”.

Demmo herdey lalunu jako kaikatho, thu dekan niyamer prakar achi chajen pakalden mudag javanu. Jethi Prabhu kerocha, (Yesaya 43:18, 19) chalijako sen herdey lalunu koni,  vo jun vegijen aji kanai herdey lamath, yidek Ma yek navvo kaam karrocho vu abbaj chalacha.. Vuj navvo kaamen ajaj thar jeevanema Dev karen thayar cha.

Theenmo herdey lalunu jako kaikatho yek busser dakal, vodar dakal, vimaname dakal vunen kuvatho yek saas guri rachko hanoj thar jeevanema sada yek saas guri rakalden mudag javanu. Vu guri Yesu Christhu Thar vodithi puro yee jagema dekalan hamesha bancher jaag chajako Canaanema hamesha revaju banchnu. Mar premer Dever beptavo thu yee gurithi banchrochika?

Ajji jada dhyan karen padoHebrivalun 12:1Avada moto gavayeer malavo, vaadaler nai apanena gheran rethu, soli bhojan, holiso halajayer paapena chetikarden, viswasena pedakarevalon, puro karevalon,Yesuna dekthey ,apaner aanga niyam vojako dhasanima dheerethi dhasa.