Nov 17 – ADUBEN APSELE HANABEN DETE!

“…bindo bo baran lumtai, manan, itente itente andreng dele, antate er ayimlabe, itente itente endrang de-e antate apsele abjunsile. Kristu Jisu lingan Kitungan a ruang ganudingan a uhulkuijan apsele a sanengseng darakunaban hen aduduge abrijten.” (Pilippi 3:13, 14).

Anlen akaridabented Kitungan atimanglen ajzbjzbtenben adnang orde itejanang asidaih bertenben adnang, anlen dainan adamba a halenben asan, anin atimang-lingan man’oihan do arajam-ling-ban.

Tabme mihnum asusunaling, tabme tabme san’idaih beran bertinbe. Kun ambrij, dile angajan asusunaling janzbjzbanji dakkuba. Kan ate kayatingdage ate dedongete bindo kan a bernanji abojoraiben ate dete. dile tagaldan anlendaman asurpidamnaben dete Kitungan atimangba do kan ajanzbjzn beran abmele agarbernaben dete. Anappai Pol gamle: “bind obo baran lumtai: akaridaben itente kandunbale daku do mukabale ate alumben dete.” U’u, kunina ate ajanzbjzban.

Aparamangtan do murdage aberna, itnte yaryar manengban daku kudduban sangaiben dete do itente kurlangten do itente gadlulangten. Angante bo mandran Sodom lingan dakule, anin orde anin akandungbanji agijgijbented. Bo tagor aman dunglen yirenden misor saring, misor-lingan adakulen ajanumjumanji anasurdan, lembon do ayon ogandibented.

Jajingante amandranji, ayireten aberna ayimle dukkalen dakutenji do a uggar-linganji absudateji. Etigoi jajingante ate, ayengan ayireten aberna berlen dakutenji do tabme bara-lingan er surpidamlen do tabme anabhanalingan. Bo denna George Bernard gijle jarditen gamle: “anlen banididam delai ayireten abernaji ayimleted, bindo ayirtaihen abaraji lumle adakunaben dete.”

Anab-bagu-ling, anlen mukabalen ahirben abmele asaiben dete do kun apsele jznjzn murdam. Kitungan gameten: “Amben purban a bernan ayinan ayimdong do papwr bernanji a ogaldong. Gijba, Hen aboi tabme baran lumtai; kanate namihen padabte,…” (Jisaya 43:18, 19). Jarditen, bo tabme ganabdilan abmete mandrengna-lingan, nami.

Anab-yagi-lingan, bason orde bungsangan orde hengdasingan eganle adarakunaba yirteji, mandrengnaben abmele aboi sanengsengan adakuben dete. Do kun asanengsengan kan ordarlingan Kristun ajardin ahangben dete do kznanz mar adebendete. Tanahimdam Kitungan a onagji, amben mandrengnaling-ben kan abaran alumben oskai dakupo?

Okiy Kinolbe absele: “Anten asan anlen janang dijte surda tarubge sakki maranji batte yanaryaran a delaian asan, jaba, dile lanaginan do mang-ling-len apangbolong pintun umdrengan umdrengle dernan abmanggod do tabkud Mar Jisun amangban sengsengle anuywb-sanayen batte mukkaba-len a garatassige yzrnagod lingan a yzrnaba” (Ebri 12:1).