Nov 16 – AGADIYAR PHAL

Yakob 1:18″”  Vu  Vor khathrer nai Sather vaathethi apanena banaana, apan Vor srushtima agadiyar phal vena,pedakido””

Thamseji agadiyar phal vencho kan Dev kerocha. Yee Dever vuddesh kaichakatho vu phalalu Dever vathethi bhaar layer vaasu.

“Agadiyar phal ” Kajako vathen yek haptha soch karatho, yek jhademathi dolivo avacha pacha dolivo paangaran pungivuna bhar lavacha.  Yee pungivo thodsek mathramaj aakhari thanu revacha ajji thodsek jada vaalethin  thutjavacha keedavuthi hall vejavukaracha.

Vujji agadiyar pangeruvo akharithanu rethanu agadiyar phal devachkan apanen malam.  Kaater daadema ma kaatevalena dekan- agadiya nindanena hokadan vundena balnakena bharabando;pan ghavuna maar kotadeema golakarokan kunchu ko.

Yesu Christhu siluvaper velapadan her yekey vasu bee maroch kajako vath ghano saaso vencha. Maran masanemathi theenmo daad paran jeevyayo. Yee sathen malam karmelejako masaj manikyavo vela aayeejana hoto dagergech.

Vela bhaveti kathra avathoi hoto phareniju jeevanero daadosari Yesu Christhu saru agadiyar phalemaj voddan badarech. Hano badan baptism lelen Pavithar Athmathi abhishek lelen lokemathi chetiren Prabhu vasu pavitharethi banchrech. Hano banchan Jayamero jeevanema viswasmethi hubarrech.

Yisraeleval Cannanen jayervasu Dev Aiygupthumaithi bhar layotho vo ajji Aiygupthumair nasanena , kaandana, tharbujana bhoolekoni jethi agadiyar malavo seji marage. Lapan Vosejimathi dee Joshua ann Kaleb mathraj Canaanema taang meleju dekacha.

Mar premer Dever beptavo thu kannavatho Yesu Christhun tharo Prabhu kan maanlechiko janaaj thu navvo srushti vegochi. Yen maalam chajako thu Yesu Christhu saru sammorethin pavitharethi banchan Christhur beptar nai dhakethi revnu kan bhoolmath.

Ajji jada dhyan karen pado Colossivalun 1:28 Heryek manikyani Yesu Christhu ma puro vaddejer nai thamadena, vonaj ham prachar karan, heryek manikyani akkal ken, heryek manikyani soligenethi prachar kareecha.