Nov 16 – AHANBA MAHEI

“ Eikhoina ibungo mahakki lenglipallibasinggi karigumba ahanba mahei oinanaba, ibungo mahakmakki ningbadagi eikhoibu achumbagi waheina ibungo mahakna pokpire. ”(James1:18)

Nakhoi loinamak ahanba mahei oinaba Iswarna mangjounana pokpirabani. Aduga masigi damakta Iswar na nakhoibu achumba oiba waheida pokpire.

“Ahanba mahei” haiba asigi maramda dhyan toubiyu. Mahousada upanbi amadagi masa amadi mana mayon chonglak i haibasi eikhoina khangi. Mayon chonglakpa ayambasing adu mapan satpa ngamdana khuithabasu lei. Aduga mapan satpa khudingmaksu mahei yanba nate, kharana tinkang nattraga akanba nonglei nungsitna mangtak halli. Adubu kharadi mahei yanduna upanbi adugi damakta khwaidagi ahanba mahei oirakli.

Gehu gi lou uba matamda lourokthada maru nataba mana khra leigani. Loubu aduna maru khakta loure hairaga atei charusing adu mei thadokkani. Aduga keida hapkani.

Christa Jesuna Cross ta ee sinthakhi, aduga eikhoigi damakta sibikhi haibasi achumbani. Aduga mahakna asibadagi amukka hinggatkhi. Mi mayamna.asi khangba tarabasu thouoide. Aduga thajabada chaokhatpa ngamdana tokle. Kanagumba misingdi nouna pokpa matungdasu taibanggi apambada hingduna ninghannaba mi lei. Madu haijaba da sonbagini.

Adubu kanagumba kharadi nouna pokpa matungda baptize loure hairaga thawairomda asum asum chaokhattuna Thawaigi thao noibiba adusu phangi, aduga Prabhugi damakta tonganduna lei. Makhoina Prabhuda chetna leptuna tapna tapna mapung pharaktuna asengba punshi hinglaga joy oiba punshi phangi.

Israel machasing adu Egypt ki bondidagi ningtamba matungda makhoi Canaan changnaba koubikhi. Adubu makhoigi marakta mayamna Egypt ki tilhou, chanam  amadi tarbuj adu chaningbana maram oiraga lamhangda sikhi. Makhoigi marakta kharana murum murum sonduna Iswar bu chang yeng toubagi Iswarna langsekpikhi. Makhoigi marakta Joshua amadi Caleb tana Canaan lam youkhi.

Nungshiba Iswargi machasing, Jesu Christa bu nahakki kanbiba mapuni haina lousinba numittagi houna nahak anouba khutsem oirabani. Madu ahouba khongthangni haiba kaodana Prabhuda nongma nongmagi chaokhattuna mapung phaba amadi asengba punshi phangnaba hotnou.

Dhyan tougadaba: Eikhoina mi khuding-bu Khristada mapung phana katchananaba, lousing pumnamakna mi khudingbu waraktuna amasung mi khudingbu tambiduna, ibungo asigi pao eikhoina sandokchabani; (Colossians1:28)