Nov 15 – Porda laga pichete!

Song of Solomon 4:1 oh a ilaga morom, apuni kiman bi sundor ase! Podah laga piche pora apuni laga suku khan kopou chiriya khan khan nisina kiman bi sundor ase.

Ekhta kopu chiriya laga suku tu porda laga piche pora sabole bishi sundor ase jun tu Isor pora khushi pai. Yate porda laga kotha tu hoile Isor laga sonman ase aru prathna bi ase. Itu tu hoile biswasi  maikikhan prathana te tai khan laga matha dakhai diya laga ase.

Jitya bi Isor biswasi khan ke suku te  pani loi kene arum on te bhari dukh  loikene manu karone prathana kure, Isor pora inika khan ke khushi aru tai khan laga suku tu hoile kopu chiriya nishi sundor ase koi.(song of Solomon 4:1) Isor ke poson thaka tu hoile prathana thaka biswasi khan ke lagi ase jun hi manu karone prathana kure.

Ami khan atma te thaka baba ke sai she koile Abraham ke sabole pai jun laga ministry tu hoile 18th chapter genesis te. Jitya apuni itu chapter tu poribo, apuni janibo ki tai bishi bhar manu laga mon te buki thakishe aru Sodom aru Gomorrah karone prathana kuri thakishe. itu prathana tu hoile tai laga mon bhari hoi kene aru manu karone morom thaki kene prathana kuri thakishe.

Moses laga suku bi Isor karone tu kopu chiriya nishina hi sundor ase. Isor tu Israelites khan ke khotom kuri dibo bhabna kuri thakishe. hoilebi it utu khali moses laga prathana pora hi Isor laga mon badly kurishe.

Easter  ke sabi! Tai iku bi nakhai kene tin din tok prathana kurishe kandi kene aru jewish manu khan ke bachable parishe. Isor tu inika manu khan ke hi bisari ase jun hi manu karone nijor ke di kene  prathana kure.

Kijani apuni khan laga jibon te bishi dukh khan thakibo pare,a puni laga jibon te shanti nahobo pare. Itu homoite jeremiah 29:13 te sabi aru aru Isor ke bisaribi apuni laga mon khuli kene apuni laga dukh khan dibi. tai ke bisaribole janibi aru rati te bi prathana kuribole shikibi. (Psalms 119:62) aru Isor bi apuni laga prathana nahuni kene najabo.

Jisu krista bi laazarus mora lag ate kandishe (john 11:35) tai Jerusalem laga nogor karone bi kandishe. (luke 19:41) getsamane laga garden te tai sonb prithibi karone prathana kuri thakishe.

Oh Isor laga bacha khan, ghutna te ahibi Isor laga usorte aru prathana kuribole shuru koribi.

Aji bhabna kuribole laga pobitro kotha tu hoile Zechariah 12:10 ami david laga khan dan khan ke aru Jerusalem laga dusra manu khan bhitorte morom laga atma aru prathana laga atma pora bhorta kuri dibo.