Nov 13 – Komti!

Judges 6:15 tai koishe, “Oh Isor, kinika ami Israel ke bachabo? Ami laga khandan hi Manasseh bhitorte sobse komjur ase, aru ami sobse komjur ase ami laga ghorte.

Ami laga Isor uthai diye jun hi komti ase aru tai ke ashirbad diye jun hi nomro ase. Tai khan ke sai kene morom kure aru koi bhooi nakuribi, aru baba pora rajyo tu dibole tu khushi ase koi. Apuni bi apuni laga parivaar te bishi komjur thakibo pare aru nijor ke somse komti bhabna  kuri thake pare. Manu khan pora bi apuni khan ke komjur bhabna kuri thake pare. Hoilebi Isor tu apuni khan kebishi ase bhabna kure aru uthai diye. Pobitro kotha te koi 1 Samuel 2:8 tai dukhia manu khan ke mati pora uthai diye aru tai hi digdar pai thakia manu khan ke bachai diye. Tai khan ke raja laga majote banai diye arutai khan ke sonman laga jagate rakhi diye.

Utu din te Gideon bi nijor ke nomro kurishe aru koishe ki tai laga khandan hisobse komjur ase ari tai laga baba laga ghorte tai sobse komjur. Aru Isor pora koishe, judges 6:16 hosate ami apuni logote thakibo, aru apuni midianites khan ke harabo ekta manu hoi kene. Itu ekla nahoi kene, jitya tai Gideon ke matishe, komti ke poila bar, tai Gideon ke sobse tagot manu koi kene matishe. Isor pora tai ke mon dangor kuri dishe, isor tu apuni logote ase sobse tagot manu, inika koikene.

David ke bi komti nishina bhabna kuri thakishse, komjur aru hisab nathaka sob laga nazar te. Aru tai ke kam diya tu hoile baba laga bhera khan ke dana dibole hi thakishe, hoilebi Isor tu david logote thakishe, junk e hisab thakanai. Isor pora  taike ashirbad dishe aru uthai dishe aru raja karone chuni loishe. Isor taike ekta kosom bi dishe ki tai laga ghor tu hodai din uthi thakibo koi kne.

David toh itu kosom laga jawab te bi nijor ke nomro kurishe aru koishse, “kun ase ami oh Isor? Aru ami laga ghor ki ase, ki apuni ami ke iman dur anishe? (2 samuel 7:18) judi bi apuni porikha laga rasta te berai thakishe, Isor logote dhuri kene thakibi tai hodai din apuni logote ase.

Bethlehem laga jaga tu Israel laga jaga usor te bi komti thakishe, hoilebi Isor tu Bethlehem ke hi tai laga jonom jaga chuni she. Ami khan pobitro kotha te puribole pai micah 5:2 jehovah koishe, “Bethlehem ephrathah, juda deshte apuni hi sobse chutu nogor ase, hoilebi apuni khan pora hi ami Israel laga raja ulabole ase jun laga khan dan purana homoi pora ase.”

Oh Isor laga bacha khan, apuni bi itu chutu betleham nishina hi ase. Apuni tai ase junk e Isor pora chuni loishe. Aru isor pora apuni ke narukhi kene prathana kuribi koiase, aru inka dukh te hi isor jisu apuni laga jibon te jonom lobo.

Aji bhabna kuribole laga pobitro kotha tu hoile luke 9:48 jun ekta chutu bacha kea mi lagan am pora morom kuribo aru jun amike lobo tai utuke lobo jun pora ami ke pothaishe . jun hi apuni majote komti ase tai hi apuni khan pora dangor hobo.