Nov 12 – Mangso laga homoi te!

Hebrews 2:14 kile koile tai matia lora suwali khan mangso laga ase, jisu bi nijeke manu nisina kori loise . tai inika korile satan jun khali morabole pare, itu jagate tai nije mori kene satan ke khotom kori dibo.

Ami khan tu magso aru khoon pora banai ken ease. Hoilebi Isor tu atma laga hei ase. Ami khan tu tu mangso aru khoon pora hi ase, hoilebi Isor tug au nai. hoilebi ami khan  karone, tai jun hi atma laga ase, mangso laga roop te ahishe. Tai ami khan laga prithibi te Jisu krista hoi kene ahishe.

Ekta chutu bacha laga kissa ase, dikhi she ekta chimti jun hi gad ate giribo thakishe, itu bacha tai lag agete hath di kene itu chimti ke rukhai loishe. Itu bacha tu jor pora itu chimti ke rukhi bi koi kene koishe. Hoilebi itu chimti tu bujibole napare. Toh kinika itu chimti ke bachabo paribo. Ekta rasta ji pora tai ke bachabo paribo it utu bacha bi ekta chimmti thakile hi koi kene bachabole paribo.  Itu nishina hi Jisu krista bi sob manu khan karone kurishe.

Ami khan laga Jehovah pora dikhishe kinka manu khan tu hodai narak laga rasta te jai ase aru ekbar tu juli kene khotom hobo. Ami khan laga Isor jun hi prithibi te gau loi kene ahishe, tai nijor laga gau kea mi khan karone daan te dishe. Tai sob khun ami manu jati karone phelaishe. Aru itu khun pora hi sob pap khan ke sapha kuri dishe.

Bishi baar pobitro kotha te koi ken ease Isor laga gau laga kotha. Yate koi ki tai laga gau laga homoi te, tai prathana dishe, aru suku pani bi, (Hebrews 5:7)

Bishi manu khan ke koi kene hune ki tai khan tu prathana kuribole bohile ghumabole mon jai. Aru tai khan mangso hi komjur ase koi kene koi thake. Amikhan laga Isor pora sapha pora dikhai dishe kinika mangso komjur thaka laga homoi te prathana kuri kene suku pani girai kene prathana kuribo lage. Ami khan laga Isor jun hi inika prathana kuri kene dikhaishe tai hi ami khan ke komjur laga homoi te bi tagot dibo. Itu nimite prathana nakura laga bahana nadibo lage.

Pobitro kotha te koi Romans 8:26 thik inika pora, ami khan komjur ase koi kene atma ami khan ke modot kuribole ahe. Kile koile ami khan najane kinika ami khan pora  prathana kuribo lage; atma nije isor logote amikhan laga dukha khan ke koikene prathana kure. Oh Isor laga bacha khan, jisu Krista jun hi nichteahishe swarg pora manu hoi kene, tai apuni khan ke bhal anubhav di kene jaishe. Aru tai hi apuni khan ke sob te age rakhibo.

Aji bhabna kuribole laga pobitro kotha tu hoile, Galatians 5:24 aru jun manu krista laga ase tai itu mangso laga bhabna ke morai dishe