Nov 12 – JEEVADAR DAADEMA

Hebrivalun 2:14 Jethi bepta jeevadathin  loyeethi chajethi, vu sada vunder nai jeevadathin Loyeethi vego…

Apan jeevadathi ann loyeethi thayar vemelecha. Lapan apaner Prabhu adhyatmik pranee vencha. Apan jeevadathi ann loyeethi thayar vemeleju Dev hano shareermethi thayar vemelokonthi. Hano Athmathi bharan chajako Dev apaner saru vu sada apaner nai jeevadathin Loyeethi vego. Vuj Yesu Christhur nai yee dharthiper roop lelen ayo.

Yek satuvan dekatho yek naankis keedi  maraner khayema paden jarijen nankyas chora ditto, jana vu chora vo keedina anglithi thamaden dito thamikono, jethi yeey keedi thu vo khayema padjavastho marjachi ken ghatto barkayo. Thu katho yee sadyam vachaka?

Vo keedina maranaju thamen viyeka! Yekvela thamnu katho vu chora keedir nai thayar venu kunika. Jethi seji manikyana banchadevasu vuj kaam kido Yesu Christhu. Kankren katho apaner

Dev manikyana dito yee manikya kannai valayenijako angarer khayemaj paden jarocha kan. Admin Dever daller dakal badlavni karnu ken vu Devaj manikyama mainkya ven huyoch. Paapi chajako manikyan chodayevasu dharthiper ayojako Yesu Christhu Vor jeevadana velakhayen havaal karnako.  Kalvari siluvaper Aakharir loyeer dharen Yesu baapu Vor jeevada ma cheniju renako. Vo loyeethi apaner paapen dhonaken sathaner mathena thonako. Yesu Christhu jeevadathi chajen Bibilema masaj vachan dekacha. (Hebrivalun 5:7)

Yesu jeevadama rajako daadema, vona motheythi Banchadevalena-jorer barkavanithin, ankir hasuthi araj karan, vinathina chadan vona rajako bhakthir dhaker vadi samalago. Jada admi ankir hasu avajana bhesan araj karevalen dekukaracha. Athoi  thodsek kaikach katho hamar jeevada  kaam deniju cha. Thu araj kareniju gachab gachab bhar ayer veni.

Vachanema dekatho (Romavalun 8:26) Vor nai Athma sada apaner kamjorema apanena madhath karacha ;kassenakatho apan kim araj karero kan apanena maalam cheni pan , Athma vuj kesakkenijako nasaasethi jhooran apanevasu  norakaracha. Mar premer Dever beptavo thar saru dharthiper manikyama manikya vena ayojako Yesu Christhunaj thu dekan chalnu lagacha. Vuj hareniju araj karer kukan seekavacha ann hamesha jayam dacha.

Ajji jada dhyan karen pado Galathivalun 5:24 Yesu Christhu vaal vunder jeevadanan, Vor asaar haayinasey siluvaper marnakey.