Nov 11 – NANGNA MI PHAGANI!

“Kiganu,hujiktagi mi phagani.”(Luke5:10)

Icham chamba nga phaba oiramba Peter gi punshida thawai khomba gi punshi adu lakpa hourammi. Hingnabagi damakta nga phaba oiramba misak adu Iswargi ningthou leibakki damakta mi khomba ama oirakle. Nahakna thawairomda awangba thakta changsillaba matamda Iswarna awangba thakki oiba pham happiraga thabak sinnagani. Iswarna nanggi nathakta asa chaona thambagi maramna Mahakna achou achouba thoudang piribani.

Nga phaba haibasi taibangi sinpham Amani, adubu thawai khomba haibasidi thawaigi missionni. Taibangi heisingbana nahakna nga phaba ngambani. Adubu Iswargi lousinggi mapanna thawai khomba ngambani. Adubu oithokpa yanaba Iswarna Peter bu thawaigi para mayam tambikhi aduga Thawaigi khudol su pibikhi.

Iswarna Peterda hairamba khwaidagi ahanba wahei adu “kiganu” haibasini. Masi Iswargi paotak amadi wasakni. Aduga mahakna haikhi, “hujiktagi nahakna mi phagani. Iswarna Petergi maphamda asha thamlamba adu masini.

Peterna kidanaba Iswarna karigi haibirambano? Mapunshida ukhidaba angakpa ama ubana maram oiduna Peterna yamna ngaklammi. Asuk chaoraba Iswargi mangda leppada matik chajade haina khallammi. Prabhuda haidoklammi: ” O Prabhu, eingondagi lengthokpiro, maramdi eihak pappini. ” Simonna Iswargi mangda asumna nollukchaba matamda Iswarna mahakpu themjinbikhi, “Nahak kiganu, hujiktagi nahakna mi pharagani.”(Luke5:10).

Ngasisu nangbu Iswarna yengbiraga kiganu haina thougatpikhi. Iswargi apamba gi matungda hingba ngamjade haina pukningda waraga leibara? Nahakki thawaigi oiba khongchatta aka akum amadi athemba asukki yamlibasi karigino haina ngaklibara? Nahak pappi Amani haibasi khanglaga matha sabra? Eikhoigi Prabhuna nahakki punshida ahongba purakkani. Nahakki punshida anouba punshi marel piba ngammi. Aduga lan ngamba punshi piba ngammi. Aduga Prahugi damakta Mi phaba oirakkani.

Simon Peterda wasaklamba Prabhu aduna thabak oina su pangthokpa ngammi aduga nahakki punshida ahongba su purakpa ngammi. Icham chamba nga phaba mi Amana Iswargi ningthou leibakki damakta thawai lising lising pusinba ngamkhi. Mi amabu Christada punshiba haibasidagi henna aphaba achouba thabak leite. Nungshiba Iswargi machasing thawairomda henna lu na changsillu adu oirabadi Iswarna nangbu yamna angakpa maongda sijnnarakkani.

Dhyan tougadaba: “Nahakki dharamchenba asisu achouba chinggummi, nahakki wayenba adusu aruba maphamsinggummi, O Prabhu nahakna mi amadi sasingbu ngakselli. (Psalm36:6)