Nov 10 – Maph dibi aru mahima kuribi!

matthew 5:24 jisu tai logote jabole lagise arubishi manu khan Dhaka dhaki kuri kene tai logote jabole lagise.

Apuni tu kitya bi Isor laga agete mon tita hoi kene, prithibi laga icha aru maph nadiya laga mon loi kene jabole naparibo. Aru inika loi kene apuni laga sheva pora kitya bi Isor laga mon khushi kuribole naparibo. Amikhan son bi prodigal son laga kotha ke jane, tai laga mon tita pora hi  hoi kene baba logote mili thakianai.

Ekta tita mon pora kitya bi dance nakuribo, gana nahunibo, aru manu khan logote mili kene thakibole naparibo. Itu laga karon tu hoile mon te tita thaka aru manu ke maph kuribole napara pora hi thakishe. hoilebi prodigal son jitya tai laga bhai ke bi maph kuri kene tai laga biya rasta pora ghurai kene baba laga usorte ahishe. Itu prodigal son laga dada tu itu khushi te tu sakhi dibole paranai.

Pobitro kotha te koi judi apuni daan dibole kiba ani ase koile tu sobse poila jai kene nijor laga dada bhai logote maph kuri kene ahibi. Aru itu pichete hi jai kene ki daan kuribole ase Isor ke dibole paribo. Aru inika hi mon te iku bi biya nathaki kene apuni Isor laga mahima kuribole paribo.  Ami khan laga Isor pora hi ami kha ke kinika maph kuribo lage itu krus pora hi   dikhai dishe. Pobitro kotha te aru bi inka likhi ken ease, Matthew 5:44 hoilebi itya pora ami koi ase dushman khan ke moro kuribi aru jun apuni ke dukh aru digdar diye tau nimmite prathana kuribi.

Luke 23:34 jisu koishe, “baba tai khan ke maph kuri dibi! Kile koile tai khan najana tai khan ki kori ase.” Proverbs 15:8 jitya biya manu khan tai agete saman daan kuribole ana bi ghin lage. 1 John 1:9 hoilebi Isor laga usorte ami khan laga sob pap khan ke koise koile, tai ami khanlaga sob pap khan ke maph kuri dibo aru lami khan laga sob bia khan pora ami khan ke pobitro kori dibo. Proverbs 28:13 apunilaga pap khan ke apuni luka bole kuchis kurise koile apuni jbion te jiti bole naparibo. Itu khan ke mon dukh lagi kene kobi aru itu khan ke kori chari dibi titya Jehovah apuni khanke maph kuri dibo.

Oh Isor laga bacha khan sob galti khan manu pora apuni ke kuri diya tu maph kuri dibi aru itu pichete hi Isor ke mahima kuribi,  jinika Jiisu Krista apuni khan ke apuni laga pap aru galti ke maph kuri dishe tai apuni khanke morom thaka pora. Aru itu pichete judi apuni Iosr lagan am ke uncha kure, apui lga prathana tu Isor pora hunibo aru apuni Isor ke mon khushi kuribo paribo.

Aji bhabna kuribole laga pobitro kotha tu hoile Ephesians 4:25 itu nimite aaru misa nakobi!nijor biswasi bhai kokai khan lkogote hosa kobole lage, kile koile krista laga gau te amikhan  sob eki manu ase.