Nov 10 – MAAP KARAN STHUTHI KARNU

Mathai 5:24Vothaj bhokaner peetamer aanga thar bhetena melden, thar bhayi dai jaan, raaji vajer pacha aana thar bhetena chadada.

Thon chajako yee jagemar asathi, kaato dallethi, ann maap karervenijethi Thu Dever prasnnathema ayer veni. Natho Deven pasand vaju thoi sthuthi karnu. Apanen sen gamgojako beta hoto ayojethi baap khushi karrojema moto beta vorema chajako kaato dallethi vor baper khushima bhag lidokoni kan malam kunika.

Yee moto betar dall kaato chajethi vor baaper khushima, naach kudajema, aacho khanema paal lidokoni. Yesejin karan yee moto beta vor paapper vadi pashchathap Puchevasu paran baaperkan aayojako vor nankya bhayina kaato dallethi maap kidokoni.

Vorsaruj  agedi vachan padeju Vothaj bhokaner peetamer aanga thar bhetena melden, thar bhayi dai jaan, raaji vajer pacha aana thar bhetena chadada. Yee kaamen  agediyaj Yesu Baapu siluvama kethanu dekalnako.

Ajji Dever vachan apnen malam karacha. (Mathai 5:44) Pan Ma thamen kerochu;thamar vyarivun prem karo;thamen vela padayevale vaas araj karo. (Luka 23:34) Jana Yesu – Baapu, yindena maapkar ye karrejako kaikan kaleniju chakan ko..

Gener vaath 15:8 vachan kacha, dushmaner bhokan Yehovana asahya cha ; pan saspaner vinathi vona khathar cha. Jethi firshtu thu bhokano der aang Yesu Christhur loyeema ann Dever vaathema thar dallena dholenu. Pavithar Athman puch thar paapen    sammorethi dhoraye vaasu. (1 Yohan 1:9)  , Apaner paapen apan maanlatho, Vu  paapen map karan, soli bananiyathethi apanena pavithar karan Vu saspaneran, niyathero cha. (Gener vaath  28:13) Vor paapen gokevaalo vaddeni;vunden maanlen choddhevaalo dayana palacha.

Mar premer Dever beptavo Yesu Christhu kukan Vor dayalethi kanikaramethi thamen thamar paapen maap kidochko hanoj Deven bheten bhokano der aang tham puro dallethi thar vodi galath kidejen yeken yek maap karnu. Janaj thu kai Deven arpan karathoi nathkan bhokano dathoi vo sejini Deven suvanther bhokaner nai revachken herdemella.

Ajji jada dhyan karen pado Ephesivalun 4:25 Vujji apansey yekena yek avayavamer nai chajethi, labbarina chetikarden heryeki vor bagalevaleythi saas vathena karnu.