Nov 10 – Kokpiba amadi Thagatpa

“nahakki khudol adu phankhongda thanamlaga nahak chatlu. Nahakki nachin nanao aduga chamthoknaduna khudol adu Iswarda katlu. ”.(Mathew5:24)

Akhaba wakhallon, taibanggi oiba hotnaba, kokpidabagi wakhallon ga loinana nahakna Iswargi manakta changsinba ngamloi. Aduga Iswar su pelhanba ngamloi. Oktaba nipa machagi wari da mayamba aduna manao nipa ado kokpidabagi damakta chaklenda yaode haiba eikhoina khangi.

Akhaba thamoi leiriba mina keidoungeidasu jagoi saroi, esei sakloi, aduga mapaga nungshina chak su chaminnaroi. Masigi thamoida akhaba thamliba maramsing asi atei karisu natte. Pukning honglakpa manao nipa adu kokpidabagini. Mayambana nungaiba chaklen aduda yaoba ngamdre.

Ngasigi Bible verse na haiba adudi, nahakna Iswarda khudol kattringeida nahakki nachin nanaoga hanna koknou. Aduga nahakna Iswarbu khurumba chatpa yabani. Eikhoigi Prabhu na madu Calvary gi cross ta khudam adu utpire.

Biblenasu asumna takli,”nahakki yeknaba adu nungshiyu, nahakpu serap touba mi adu bor piyu,nahakpu tukkachaba mida aphaba toubiyu, nahakpu otpiba misinggi damakta haijabiyu.”.(Mathew5:44).Prabhuna cross ta awa ana khangliba matam phaobadasu pirang sinthabaga loinana mahakpu thina thina toubiba misinggi damakta haijabikhi. “Ipa makhoibu kokpiyu, maramdi makhoina kari touri khangjade”..”(Luke23:34)

“Phattaba mina iratpot katpasi Iswarna yamna tukkachabani”.”(Proverbs15:8).Nahakna Iswar thagattriba mamangda nahakki thamoi adu Jesugi ee amadi waheida sengdokkadabani. Papta chukhraba nahakki punshi adu Thawai asengbana chamthokpinaba haijou. ” Eikhoina eikhoi gi pap haidokcharabadi mahakti eikhoi gi pap kokpinaba amadi, eikhoigi dharmachendaba khudingmaktagi chamthokpinaba mahak achumba amadi thajaba yabani. ”(1John1:9).“mahakki pap kupsinduna thamba midi chaokhatloi, adubu phongdoklaga thadokpa mina thoujan phanggani. ”(Proverbs28:13).

Nungshiba Iswargi machasing nahakna Iswar thagattringeida ahanbada Misinggi aranba adu mapum phana kokpiyu. Christana nahakpu kokpibagumna nakhoi amaga amaga koknou. Madudata nahakki khurumba adu Iswargi mangda lousinba yaba manam nungshiba thao gum oigani.

Dhyan tougadaba: Oidaba ngangba tokpiduna, nakhoi amaga amaga achumbada wa ngangu,maramdi eikhoi amatani. (Ephesians4:25)