Nov 10 – TANAMADAN DO ANABGUGU!

“aranggan adamban kanub-taniytiy-nam dakkua, do abmangan buhang-nam ampara i maina, a tiki kanub-taniytiy-nam kuba” (Mattiu 5:24).

Amben Kitungan amangba yirle adrabtie, er-tabmad uggaran batte, ordardage aganih-madan batte do asang-j’en batte. Abm’oih ben asan Kitungan a d’ong abguguben dete. anlen galamtabe a s’itle a pasijan abmele, angante a surda onan, a sang uggaran asan anin a uan a d’ong gamle iten asan a m’oihten.

Asang uggaran tongsengnaben do erdkanaben asan adnisume, kznkznan do raidingan, m’oihan batte do uan batte jumdaran alunuman. Anasang uggaran agaramgam, tabmadle do a uban jale, ayengan ayerj’e-ling s’ingban yarinai. A kakun pede man’oih-lingan abmaidamnad kun auban ayerlenaihen asan.

Bibolan gamte aranggan adamban kanub-taniytiy-nam dakkua, do abmangan buhang-nam ampara i maina, a tiki kanub-taniytiy-nam kuba. Do abguguben dete. Eteden anlen barij monna batte Kitungan a d’ong abgugule rabtitabe. Kitunglen hanghanglai yangam atabmaben abmele do arakadang-lingan absuile atabmadben asan.

Bibol-lingan gijle rabtitabe. “Bindo Hen opungtaben, asanggem mar-benji a d’ong timyimba, do bute bute tamdertabenji aninji apsele garberba”. (Mattiu 5:44). Angante a d’ongan tanangan dele arakadang-lingan, arakadang-lingan andaileji amandranji a d’ong janang tamadle Kitungle. Anin garberle: “E Uang, aninji a d’ong tabmada, iten asan gamlenden itente aninji lumteji antate aninji aggalameji.” (Luk 23:34).

“Duaih maran a kanuban Gamangtungan amang lingan paranskijdage” (Bangsa Hanang 15:8). Kanuban akuben amang Kitungan a d’ong abguguba, j’e-ben madridba do Jisun amihaman batte gijdaba do abirna batte. Garberba Marid Janggardan pintuben agijdaben asan. Bibolan gamte: “Bogad anlen a pintun abpengbalenden, pintu-lenji a tabmadben asan, do kuddub er roitadan saring d’onglen abmaridben asan Anin dernadage do roitaddage na” (1 Jon 1:9). “Ayengan a mandra anindaman a pintunji rubrubte anin banangsan rapti adhange, bindo ayengan a mandra antate abpengbale umdrengte, anin asuyeman hangte” (Bangsa Hanang 28:13).

Tanahimdam Kitungan a onagji, kanuban akuben do abguguben admang bigrdanji a danusan tabmadba. Egale Jisu Kristun anlen a pintunji tamadle timyimaiten do asuyumaiten, amben janang artabmadba. Do anta tiki abguguba, ateden Kitungan jabenten do abm’oihte, agale sarum dasardan ambrij.

Okiy Kinolbe absele: “Anten asan banukkaian umdrengan umdrengle, amben a dile mandran a toitoising mar-benji ampara janardin aropungba, iten asan gamlenden anlen a dile mandran a kandardonanji na” (Episi 4:25).