Nov 09 – HAM JADAJ BARKAAYE

Ginthir Grandh 20:16 Ham Yehovan jadaj barkaye jana Vu hamar aaten samalan yek sojan melan Aiygupthumaithi hamena bhar lameloch. Yideki ham thar baander mera kan Kadesher sharema cha.

Thon kai chavnuko von pucheron dhanyavaad dero yinethi bhelan vinathi karero bhoolnukoni. Thu daadi araj karajethi jada jor vinathi karajema cha. Jethij bhakthidar Yermiya Dever vadithi YISRAELEVALER vacha vinathi karena bhaatar sanduma hubaran araj kido.

Aaj Thu sada ghano vela bhavetima chajervasu Devethi ann manikyar vadithi vinathi karan vuner paristhiti badlavani vejavju araj karnu. Jethij Dev kerocha( Yezekiel 22:30)  Ma deshen haalkaranaju godan ghat bhandevasu, phutmelijako batar sanduma hubarena, thakath chajako kuncha kan vichaar karrochu lapan kuni dikarekoni.

Vinathi karajako arajena Dev jaldin vuthar dacha. Thu thar chachabrevasu, katmalema yekpanevasu, sabhar vasu, ann desher vasu ankir aasu redan vinathi karatho sasij Dev vo arajen cheti kareni. Ye dharthiper chahako Raj hano keroch (Esther 5:6) Esther dinijako angurer  Teylona khathanu, Raj Estheren dekan pucho, Thu kai korlerichi? Vu thon devunchu. Thar vinathi kaicha? Vu sari Rajyamema aado rathoi parvacheni… Yee samanya Rajaj hano katho apaner Rajero Raj Prabhuro Prabhu Devero Dev ajji thu karajako vinthina arajena khanditha samadhan devach kunika.

Yesejir vasu thu vinathi karnu katho agedi thar dall kanikaramethi bharan renu.  Apner Prabhu Yesu achamkalar kaam kidojako seri laar kanikaramer dallethi kido jen dekacha. Yohan 17 hasso ma Yesu Baapu  Doosaresaru Baaper dai vinathi kidocha. Yeej kanikaramer dall thon sada ratho Vuj Yesu Dev moto vinathi karevaler nai thona thayar karacha.

Thu vinathi karajanna thar saath Yesu Christhu hubaran Baap chajako Dever dai lejavacha. Dever vaath kacha (Hebrivalun 4:15) Kassenakatho apaner kamjorer vadi bhada karenijako moto yajak apnen cheniju, soli khabaremayi apaner naij paricho ven paap chenijako moto Yajakaj apanen cha.

Vinathi kareval Dev jhaldin vuthar derokoni kan Deveper rees karnu koni lapan vuthar dajevaraku vinathi karukarnu (1 Thessalonivalun 5:17) . Apan vinathi karrejako Devaj vinathi karevalo chajegali Von kanna vinathin vuthar denu kanna datho aacha racha kan aacho malam. Jethi thar vinathin samadhan malrikonthi katho  hayi karmath.

Ajji jada dhyan karen pado ( 1 Samuel  7:5) Jana Samuel – Yisrael jannen Mispana balathanu , ma thamar vadithi vinathi Yehovan karuchu.. Ko..