Nov 09 – Ami khan kandishe!

Numbers 20:16 aru amikhan Jehovah pora modot nimite kandise. Tai ami khan laga kandia ke hunishe aru ekta duth pathaishe, jun amikhan ke Egypt pora ulai kene anise. Itya amikhan kadshte ase, inika ekta taun juntu apuni laga desh laga jaga laga kinarte ase.

Dhonyabad aru ashirbad laga prathana logote, mili kene ekjon ekjon laga dukh nimite prathana kuribo lage. Ekjon pora dusra jon nimite prathana kura tu hoile bishi tagot thake. Itu apuni laga hodai prathana te thakibo lage. Ami khan bi pobitro kotha te dihi pai kinika prophet Jeremiah pora Israelites manu khan karone Isor logote prathana kuri thakishe.

Aji laga homoi te bi, apuni khan bi Isor laga aget khara kuribo lage aru manu laga dukh karone prathana kuribo lage. Ezekeil 22:30 Pormeshwor koi, “ami ekta manu bisrai thakishe jun hi bera ke banabo, aru jun jaga khali ase ami karone khara kuribo paribo inika hoile ami itu desh ke biya nakuribo, hoilebi ami kun ke bisari kene panai.

Manu karone prathana kura tu hoile Isor bi hodai hune. Jitya apuni upwas rakhi kene apuni laga bacha, parivar, girja aru apuni laga desh karone prathana kuribo, Isor pora kitya bi itu prathana ke tu naphelabo. Pobitro kotha tea mi khan puribo le paikinika raja pora tai laga rani laga kotha ke huni she rani esther laga aru itu ke pura kurishe.  {Esther 5:6} tea mi khan dikhi pai. Judi inika hi ase , tini apuni khan bhabna kuribo pare ki judi raja bi pura kore toh Isor kile pura nakuribo, Isor bi apuni laga kotha kke sonman kuri kene kotha mani bo.

Apuni bi manu khan karone inika prathana kubibo maon hoile, apuni laga mon tu bi morom pora hi bhota hobo lage. Isor laga morom pora hi inika achurit kam khan bi kurishe. Itu tu manu khan karone morom karone hi ase k Jisu bi ami khan karone Isor Jehovah ke prathana kure (gospel John chap 17) jtya apuni bi manu karone morom pora bhorta hobo titya apuni bi ekta tagot thaka prathana kura manu hobo paribo.

Jitya apuni manu karone bi parathana kure titya Jisu bi apuni logote khara kuri kene itu prathana tu Isor Jehovaha ke Arpan kure. Pobitro kotha te koi, Hebrews 4:15 amikhan laga dangor pujari inika nohoi jun amikhanlaga pporikha ken sai kene khali morom hi lagibo; amikhan laga dangor pujari ami khan nisina hi porikhan paise, hoilebi pap kuranai.

Manu krone parathana kuri thaki kene jawab napaile mon  dukh nahobo lage, hoilebi tai khan narukhi kene prathana kuribo lage. (1 thessalonians 5:17) hoikhan te kityaba ami khan laga prathana tu deri te jawab pai. Hoilebi ami khan kitya bi prathana ta narukhi bo lage, judi bi deri hoi ase. Isor laga morom apuni khan karone itya bi ase. Jisu jun hi bishi prathan kuri thakishe tai pora hi Jehovah ke prathana kura te modot dibo.

Aji bhabna kuribole laga pobitro kotha tu hoile 1 Samuel 7:5  itu pichete Samuel Israel laga sob manu khan ke mizpah te jabole nimite matishe aru koishe, “ apuni khan nimite ami Jehovah ke tate hi prathana kuribo.”