Nov 07 – SABYIMDAMNA A UGARAN!

“…iten asan gamlenden itente lingan hen dakutenai, tetten sabyimdamlen a dakunaben asan hanglenai…yante gamle banaggegod lingan a deben galamtai, bar bittigod lingan a deben galamtai. Kuddub god linganji do kuddub janab linganji ban’en a deben do dulaijan a hangben, awr bitti lingan do agassadam lingan a deben imdamlenai” (Pilippi 4:11,12).

Anappai Pol gamte, hangnan do anogandin abmele. Jajzngante ambendaman a hanglen. Do jajzngante ate bigardanji ahananghang batte a hanglen. Ateng janardinji Pol baradaman batte hanglen, janggardadage amandrengna abhanaben asan. Do jajzngante ate Kitungan batte anabhanghangan dele, kanalkalanji saring. Do kan ate jznjzn murdadaman aberna kuddub-lingan sabyimdamnaben ate.

Kan derna boantan amang-ling bo surda kanalkalan yirai, do anin bo tagor-lingan haling ireten, danukka j’en batte. Abumung bo surda rangin yirai do aranji akandranji abaldungle do kuddub labo-lingan galule. Derna boantan boantinji aninjidaman ogandileji, iten asan dakadne bo surda rangen yiraiten amndrengna lingan do atgorlingan.

Kun rangen batte Kitungan a d’ongan olangle, gamle; “O’on, kan bo surda rangen aran ahandrang abmele adganludampo? Angante janardin yirtai, aranji janang yuryurtenji, kan ate bo surda rungan batte, ajidanji radu daku kan solda-lingan. rangen er tu’ul aranji abaldungte asar kandaranji abaldungte, kun batte aran bartabmete.

Etigoi, rangen batte, aranji abai janang barij manengba harte, kuddub manengba tabme neban amdungben asan. Kun ambrij, angante mandrengna- ling-ben tanunjingan awrte, janggardadage ajaru bara-lingan do a suyiman batte Kitungan adamba urunglangten”. Kun a dena saring, derna boanta boantinji hanglenji sabyimdanaben abmele a ugar-linganji, kanalkalan ayam-lingan janang.

Ajardina Pol bo surda anappaimar dakule, do anin ateng mandranji urulai anablu-lingan. Bindo anin a d’ong iban batte anabkalkalan dele do kan ate sonuman abara gamle galameten. Bindo kanalkal-lingan, anin hangling sabyimdamnaben a ugar-lingan.

Daudo bo surda raja dakule. Bindo abirinda-lingan a pasijangji amangling janang arrdin dakule. A pasijangjina gonleji. Abram surda aderna dakule do anin a d’ong ganaman dele Uan aderna gamle. Bindo anin janang joldaneten lagedam adukkarin adakuling asan.

Tanahimdam Kitungan a onagji, itejanang akanalkalan nami dakulenden, sanaisaijan akanalkalan, orde ertunla, sanabyum orde danukan, sabyimdamling dakunaba do Kitung-lingan m’oihnaba. Kun surda sanittan ahangte mandrengna-ling-ben.

Okiy Kinolbe absele: “Sanintan batte ateng bittin saring, Gamangtungan amangban banantongan batte asuijan bangsa” (Bangsa Hanang 15:16).