Nov 06 – Uthai diye swikar kura te!

Luke 15:7 thik inika nisina, ami apuni khan ke koi di ase, swarg te bi bishi khushi manai thake jitya prithibi te ekta  papi manu dusra 99 bhal manu khan nisina hoi.

Pura swarg bi khushi manai  ekta manu karone jun hi tai laga pap pora hati jai aru Jisu Krista ke tai laga Isor mane. Ekta khushi aru homoi thake swarg khan laga duth majote. Aru Isor laga mon te khushi thaka tu ginti kuribole napara laga.

Isor pora aru bi bishi uncha kuri diye jun hi pap swikar kuri kene tai ke sai. Pobitro kotha pora koi 1 Samuel 2:8 tai uthai diye dukhiya khan ke mati pora.

Kinika Isor pora dangor kure aru uthai diye ekta manu ke? Isor pora tai ke inika uncha kure ki tai Isor logote tai logote rajyo te bohibole paribo nishina. Aru tai ke bishi bhal ashirbad khan logote bhorta kuri diye. Tai pora pap khan pora uthai diye aru norok ke bi swarg nishina banai diye. Judi ekta pap kura manu pora tai laga galti khan swikar nakure titya tai tu norok te hodai din karone jai jabo.

Jitya Jisu ke krus te dhali thakishe tai ekta papi ke tu tai logote rakhibo koi she jitya tai Jisu hi Isor ase koi kene swikar kurishe. Tai krus te dukh pai thaikishe koile bi swikar kura ke tu uhai dibole kurishe.

Jun manu pap kuri kene bhari hoike uthibole napara hoi thake, Isor tu tai khan ke uthai di thake biya aru pap jaga pora aru tai ke tai laga rajyo te hi jaga diye.

Ekbar bhabna kuribi prodigal son laga jibon ke, utu homoi tu ji pora tai baba logote maph mangibo bhabna kurishe. Itu laga age  te tai tu bishi bukh te thakishe kapra bi nathaki kene aru gahori laga dana pora bi bhuk tu khotom kuribo bhabna . tai nijor laga mon pora bishi dukh hoi kene thakishe. kiman bi biya homoi te thakishe!

Hoilebi tai jitya bhabna kurishe tai laga monte ki tai maph mangibo aru baba logote jabo, itu homoi pora hi sob badly hobole shuru hoishe. Taia laga baba tu  polai kene ahishe tai usorte aru dhuri kene chumi she. Sob ghor tu khushi pora hi bhorta hoi jaishe. Ekbar bhabna kuribi itu jhagra kura laga beta ke jun hi tai laga baba logote bohi ase. Kimana uthai dishe tai laga baba pora , it utu khali tai ghuri kene aha karone aru maph manga karone hoishe.

Oh Isor laga bacha khan, Isor pora apuni kiman galti kurishe itu pora bi bishi uthai dibo, judi apuni Isor ke maph mangibo apuni laga pap aru galti khan nimite aru Jisu hi apuni laga Isor ase swikar kuribo titya.

Aji bhaba kuribole laga pobitro kotha tu hoile Luke 15:32 hoilebi amikhan khushi hobo lage, kile koile apuni khan laga bhai muri jai shile aru itya tai jinda hoishe; tia haria jaishile, itya taike bisari kene paishe.