Nov 05 – VUNGAN BALIJAKO DEEYO

Yesaya 42:3 Maslarijako goondalana bhaanjenin, vungan balijako diyona valayeni. Vu sather laarethi neyven dekhalacha.

Apaner Prabhu vungan balijako diyona valayeni lapan vona ajji jada vajalo avaju lagadacha. Vunch padojako vachanena yek haptha thar jeevanethi paricho karla. Thu agadiyar daadema masaj manikyavun thu lagan vuneni lagadovees. Agadiyar premethi bharan Dever saru masaj ach kaam karmelovees.

Abba thar jeevanema arijako velar paristhithima yesejima thu thakh jarochikaiko. Ann valajarojako angarer nai thar herghadi araj karajema kam vejarochikaiko. Athoi apaner Prabhu valajarojako thona paran lagadan  thathi sogan kharoch vungan balijako diyona valavuni.

Deeyo volayen masaj karan riye. Voma agedi deeyo lagen thel chenikaiko. Thu kannavatho Pavithar Athmar abhishekamema kamjor vejachiko janaj thar maima chajako athmik jeevada kajako deeyo volajavacha. Yekek haptha deeyo maima thel rathoi vo thelema vothi duban naratho jada lageni ,vothi kathethanu chako vothethanuj lagacha vorpacha volajavacha. Yer aratham ghano araj karajema thu kam veytho javatho jana thu thar athmik jeevanema pavitharethi banchero ghano vela vacha.

Thu araj kerero ann pavitharethi banchero kam karnakatho vothee jada dukha kunsi cheni kan lagacha. Jethi thon asmanethi avajako sreshtavader ashish avanaju thamjavacha.

Bhakthidar Yirmia Yisrael jann pavithar jeevano banchajema kamjor vegejana rotho rotho hano ko (Valarer Grandh 4:1, 2) Sono kukan kamjor vego? Sreshtavada sono kukan badlagich? Prathista karmelejako bhatavo heryek sanduma bagamelecha. Sanarer hathema sreshtavada soner sayaar nai chajako Seeyoner beptavo kammarer hathema thayar kidojako dhooder handirnai kukan kerarecho. Kan kethanu royo.

Yekvona thu athmik jeevanema kamjor vejavatho Dever darshan deker aankivo aandi vejavacha. Kannavatho thar anky Dever darshan deker vajalo kam vejavachko jana thar athmik jeevaner vaatema sada  vajaalo cheniju andaro vejavacha. Jethij Raj Daveed rotho hano geed lakacha ( Geeder Grandh 6:7) Haayithi maar aanky gadgicha;maar vyarivuthi vo doondhlo vegicha.

Mar premer Dever beptavo apaner Dev thu gamalinojako vajalena athmik jeevanen paran hoto dethanu Dever krupathi dayathi thon lagadan sari jagemaj thu jhankaju karacha.

Ajji jada dhyan karen pado Ginthir Grandh 6:25 Yehova  thona Vor prasannathena jhankaju karan karuna dakaliye.