Nov 04 – DEVER MAHIMATHI BHARARIJAKO JEEVADAR SAAYAR NAI

Philippivalun 3:21Vu solin vor heta navaaler vor thakather jorer kaamer nai, vu  apaner kaam denijako jeevadana, Vor mahimar jeevadar sayaar nai roop badlaye.

Yee jagema apanen chajako jeevada kai kaam denikako cha, von sada rog dokh avacha, haar javacha vela bhaveti avukaracha. Ajji ye jeevadana dukero ann khamer hathayenijathra bhadha avukaracha. Lapan apaner Prabhu apaner jeevadana Vor sonth mahimar jeevadar sayaar nai bhelnakoch.

Roop badlayo jako jeevada Yesu maranamethi paran vuto jako jeevada dakal chaju dekacha. Apaner naas vejavajako jeevada na naasvenijer nai marthrya vejavajako jeevada na amarthyamema rakadacha. Jethij Apostler Yohan lakacha (1Yohan 3:2) Premevalo, abba apan Dever bepta cha;abbeper kim remachakan vujji malam vikonthi ;athoi Vu aan dakavajana Vu chajoonj apan Vona dekiya jethi Vor nai remachamakan apanena malam.

Maranemathi paran vutojako Yesu baapur jeevada kathra ghanathathi ann mahimathi vethi kunika!  Voj mahimar jeevadathi beega ghalamelejako gharema hanoj mayma jaan vunena santhi veda kan kethani vunethi cheti rethanu vathey kidoju dekacha.  Vor chelavur vachethi mahinar jeevadathi Olivar gatlaperethi swargen vupadjathanu Baaper jamman hather heta betocha.

Thamar jeevada Athmathi ann Devethi roop badaljavacha. Thar jeevada jor pavnu katho 3  puta dhan khachi. Hanoj tharmayma chajako jeevada jor pavnu katho Dever vathen daadi khavnu. Yeej vathen Yesu baapu swachamethi rajako mangale mathi radaje mangaler gheeyerani chaken ko.

Hanoj Yesu baapu Pavithar Athamthi abhishek payero sada  yek baatina, malina ann vindaarnai cha ken ko. Yee athmik khanethij tharema chajako jeevada joren payervacha. Athraj koni lapan thar jeevada mahimathi vujji mahimama pathanu paran vutojako Yesu baapur jeevadarnai vejavnu ken Vor loyeena Vor jeevada naj denako. Thu kannavatho baati khaan angurer rass piyechiko jana thar jeevada Yesu Christhur jeevadathi bhaljavach ann thona malam cheniju thar jeevada Yesu Dever jeevadanai sayaar roopema badlajavacha.

Maar premer Dever beptavo  ghano vaibhavamethi Yesu Vor mahimathi bhararejako Sojavuthi Baaper vodithi avajana  kai kaam denikako thamar jeevada paran vutojako Yesu baapur jeevada dakal badlavni vejavacha.

Ajji jada dhyan karen pado 1 Yohan 3:3 Voma asso bharosa rakadmelojako heryeki, vu Pavithar chajer nai voni Pavithar karlacha.