Nov 03 – MAHIMAR KIREETA

Gener vaath 4:9 Vu thar mathena sangarejako pankadina bandacha, vu mahimar kiritana thona peravacha.

Kirita kajako yek Rajer matheyperaj  peran racha. Yee Rajer kiritana sono rupethi, vajramethi mothithi yeseythi alankar karmelacha. Vu kiritana permelejakonaj  sari rajyamena palan karer hakk racha. Vu kiritaj vo Rajen palana karer adhikar, himmath, ajji  jada sejiri vumper joren palen raju dekacha.

Yee kiritana permelejako palana karach kajako kathra saas ko voseji yek dadeper nishphal vajayer sada athraj saaso. Sanaren juno sonen denakatho bari jaldin navvo soner nai thayar karacha. Hanoj yek raj vujjek rajyameper jaan vo rajyamena palan karrojako rajen swadeen karlen yee navvo raj vejayeja. Hanno haal vejarijako kiritavun  banchadevasu masaj sainek vuner jaan sada denakach

.Geeder Grandh 103:4 Thar jaanena masanemathi chodan, thona karunathin Dayathi pankadina peravacha. Yee vachan prakar dakayenijako kirita, dayar kirita, karunar kirita, preethi kanikaramer kiritar barema malamkaracha. (Hebrivalun 2:7) vachanema dekaju mahimathin ghanathi chajako kiritaj Jagema haalvejavjako kiritavuthi ghano unmoler cha. (1 Corinthivalun 9:25) vachanema Apostler Paul kacha potima daaseval se solimayi hathbhandethi racha; vo halvajako kiritana payena hanukaracha; pan apan haalvenijako kiritana palena hanukaracha. Rajero Rajer bepta kan Dev apanen mahimathin ghanathi chajako kirita perarocha. Yee kathra jada moto avakasham kunika. Thodsek ma kathra degree padutho athra mot kiritana lelunchu kelacha. Ajji thodsek vuner novkari kaam doctorer nai ann engineer nai rathoj mot kirita ghallaju kelacha. Rajkiya karevaal vunen chajako  adhikaram parliamentema assemblima vuj vunen kirita kelacha.

Lapan Pavithar Athamthar abhishekmethi avajako kirita  vu Dever beptavun hamesha rajako cha. Raj Daveed von Chajako malkemar kiritathin Pavithar Athamthi abhishek karathani avajako kiritanaj masaj pasand kidojen dekancha. Geeder Grandh 92:10 vachanema kacha Thu mar seengena jangaler saandyar seenger nai vuncho kidochi; ma navvo thelethi abhishek verochu.

Yee abhishek apaneper  vuchethi ayeejako cha. Vu Pavithar Athma tharema vasan thona mahimathin ann ghanathathi bharnkacha. Yee kanna vatho thu Pavithar Athmar varalethi bharathani athmik phalen bhar layechiko jana seni malam vacha.Yee Pavithar Athmar abhishekmaj thonan yee jagema chajena chetikaran doosar karnakacha.

Ajji jada dhyan karen pado (Geeder Grandh 23:5) Thu mar vyarivur samanak manna telona thayar kidochi;Thu mar mathena thelethi abhishek karechi;mar kacholi bharan radacha .