Nov 02 – Dangor tagot!

udges 16:6 itu nimite Delilah Samson ke koishe, “morom pora ami ke koidibi apuni laga iman bisi tagot kinika pora hoise. Kunba manu khan apunike komjur banaikene dhuribole mon hoise koile taikhan kinika pora paribo?”

Utu homoi te, dililah janibole mon thakishe ki karon ase Samson tagot thaka tu. Aji laga homoi te bi, itu hosa ase ki prithibi ami khan usor te thaka tu amikhan laga tagot janibole mon, ami khan laga ashirbaad, arau kinika Isor laga tagot ami khan laga jibon te kinika kam kure.

Samson tu achurit tagot thakishe, aru itu tu kha loa kasrat kura karone nahoi. Aru jonom hoa laga tagot bi nahoi.

Dililah pora tu age pora hi jani kene thakibo tai laga achurit tagot khan. Tai Samson laga tagot pora hi dorza aru gate post khan bhangai diya laga tagot tu janibole mon thakishe. aru kinika hazar manu khan ke morai dishe, kinika lion laga muk bi dui bhag kuri dishe.

Aru jitya tai Samson ke hudishe, Samson tai ke pura mon khuli kene koishe: “aji tok ekta dhar saman bi ami laga math ate laganai, ami tu Isor karone ekta nazarite ase ama laga pet pora. Judi ami chuli kate, ami laga tagot amike chari dibo aru ami komjur hoi jabo, aru ini mamuli manu nishina hoi jabo. Judges 16:17

Jitya apuni itu verse tu poribo, apuni itu janibo ki Samson nijor bi tai laga tagot tu jani thakanai. Tai tai laga tagot tu chuli pora hi ase bhabna kure. Kiman bi biya thakishe tai Isor pora diya tagot tu dhonyabad bi di thakanai.

Hosate tu duita karon ase tai laga tagot laga. Ekta tu hoile pobitro atma laga tagot pora aru dusra tu hoile tai laga jibon  tu daan kura nimite. Jitya ekta manu itu duita bi harabo titya iku tagot bi nathaka hoi jabo.

Pobitro kotha te atma laga tagot uporte luke 24:49, acts 1:8,judges 13:25 aru judges 14:6 itu khan sob te tagot tu pobitro atma upora pora aha hi dikhi pai.

Oh Isor laga bacha khan, jitya pobitro atma apuni uporte ahe, apuni tu tagot aru Shakti pora hi bhorta hoi. Hoilebi itu tagot hodai din thakibo karone tu apuni sapha aru jibon tu Isor ke di kene thakibo lage. Apuni khan nijor ke inika cholabole lage ki pobitro atma duk napabole nishina.

Aji bhabna kuribole laga pobitro kotha tu hoile phillipians 4:13 isor laga tagot pora ami sob kuribole pare.