Nov 01 – Kitya bi napahoribo!

Isaiah 44:21 jehovah koiase, “oh Israel, napahuribi; monte rakhibi apuni khan ami laga naukar ase. Ami laga kam kuribole nimite ami apuni khan ke banai ase, aru ami apuni khan ke kitya bi pahuribole nohoi.

Apuni ami laga ase. Ami apuni ke naam pora matise. Aru ami apuni ke apuni laga ama laga pet pora chuni she. Oh Israel, ami pora apuni ke kityabi pahoribole nahoi.” Isor pora inika koi.

Ami khan ke dhonyobaad nathaka laga duniya te thake jun hi sob labh khan tu pahore. Jun apuni khan ke labh kurishe tai khan apuni khan ke dhonyobad bi nadibo pare aru apuni ke dushman hi hoi jabo pare. Kun khan ke apuni khan morom kure, tai khan pahoribo pare aru apuini khan ke shrap  biu di thakibo pare. Aru jun khan apuni ke cholai she aru apuni khan pora labh uthai she tai hi apuni khan ke kaam nathakia bi bhabna kuribo pare.

Judi bi apuni khan pora modot kura khan apuni ke  pahoribo pare aru apuni ke charibo pare, hoilebi Isor apuni ke kitya bi napahoribo pare. Isaiah 49:15,16 jehovah koise, “ekta maiki  tai laga nijor bacha ke pahoribole paribo juntu bacha ke tai jonom dishe taike morom nakuri kene thakibole paribo?ekta ama apuni khan ke pahoribole parile biami apuni khan ke kitya bi napahoribo. Oh Jerusalem, ami apuni khan ke kitya bi pahuribole naparibo! Apuni lagan am amimlaga hatha te lihi kene rakhishe.

Duita kotha ase ki karone Isor apuni khan ke napahoribo. Sobse poila, Isor ami khan ke banaishe tai laga chera nishina, tai ami khan ke chuni she tai laga manu hobo karone. Ami khan tai laga ase, aru tai ami khan laga Isor ase.

Moses pora Israelites khan ke koishe, Deuteronomy 7:6 inika koribi kile koile apuni khan Isor Jehovah laga pobitro manu khan ase. Itu prithibi laga sob manu khan bhitorte tai apuni khan ke bisari kene tai laga nijor aru asol manu banai she.

Dusra, isor tu apuni khan ke kitya bi napahoribo kile koile  tai apuni khan ke tai laga kjuun pora kini loishe. Itu tu tai laga dangor morom karone hi ase, ki tai swarg pora  itu prithibi te ahishe, apuni khan laga naukar bani kene. Tai iman bhari krus tu tai laga kandha te, pura Jerusalem laga rasta te beraishe. Tai ami khan karone jhokhom hoishe. Iman dangor morom apuni khan karone thaki kene tai apuni khan ke kitya pahoribo.

Ami khan pobitro kotha te pore, kinika Isor Ephraim ke yaad kiurishe, Hosea 11:8 oh oh ephriam ami apuni ke kinika charidibole paribo? Oh Israel ami apunike kinika chari kene jabole paribo? Ami atma ke khotom kori diya nishina apuni ke khotom kuri dibole paribo?nahoile zeboiim ke ki korise apuni ke inika koribole paribo? Ami laga mon pora itu kitya bi namanibo! Apuni nimite amimlaga monte bishi dangor morom ase.

Oh Isor laga bacha khan tai apuni khan ke kitya bi napahoribo.  Aru tai sob bhal khan ami khan ke dibo tai laga homoi te. Isor pora hi sob thik kuri dibo tai laga homoi te. Aru tai ashirbaad bi kuribo apuni khan bhabna aru prathana nakura nishina.

Aji bhabna kuribole laga pobitro kotha khan tu hoile Isaiah 43:7 tai khan ami laga nijor manu khan ase, aru ami laga sonman laga tagot dikhabole nimite ami tai khan ke banaise.