Oct 31 – JORETHI CHAJAKO YEK RAJYAM

1 Corinthivalun 4:20 Dever Rajyam vathethi koni pan jorethij cha.

Dever seva kidojako Charles Spurgeon malam chenijako kuni cheni keluchu. Vu kidojako Dever sandesh ghano jorethi vethi. Yen samlan yek admi hano puchotho vu Charles Spurgeon vor officen lejan dekhalo, akhrima yek jaag dekalan ko “yethaj maa athra jorethi sandes kena joren ann Dever sakthina parochu”.

Vu vaath samalojako admi arey athra mathro kaichabha kan vo jaagen dekhen mayima gotho votha 40-50 manikya Charles Spurgeoney vas Hamesha godi vaalan rothey rothey araj karrethey. Voseji hano araj karrethey kaikatho’baapu Charles Spurgeon sevaken aaj chalajako sabhama tharo ghano achamkalar kaamen ann tharo jorethi thar sevaker vaathen thuj gatt karan thar naam mahima paala’. Jana Charles Spurgeon vu admin balathanu hano ko yeej dekh manna joren derijako jaag ann Vuner arajethij manna angarer ludir nai lagadrich kan dekhalo.

Yee jagema hajarema mathamevo cha voseji niyathena thathvamer genena sekhavacha. Lapan Christhuvalur matham Dever jorethi chajena sikhavacha.Jethij Apostle Paul kacha     (1 Corithivalun 4:20)  Dever Rajyam vathethi koni pan jorethij cha.

Thar  athmik jeevanema jayam paavnu katho thon yee joran yeej thakath chavnu. Achamkalar kaam ann adbhuthavo saha chalajana Yesu Dev saso Dev kan malamvacha. Vuj Jorethi Maranemathi jeevyayo jako Dev ann thona chodayevalo banchan cha kan himmathethi renu. Seva saru Yesu Vor chelavun meler vona Pavithar Athmathi abhishek pavajethanu Yerushalemema ghasan revo ko, jethij ( Apostler kaam  1:8) vachan kacha, Pan Pavithar Athma thamaper avajana tham jor palen, Yerushalememan, sari Yudayaman, Samariyaman dharthir kosa thani Maar saakyaven rocho kan vundena ko. Yesu Deven abhishek kidojako Pavithar Athma chelavun sada abhishekam karan vo Jorethi katha gethoi votha achamkalar kaam chalijen dekacha. Jethi vo chela Yesu saso Dev kan hakkamethi key. Vo Dever vathen sada adbhuthathin achamkalar kaamethi malam kide.

Maar premer Dever beptavo tham Sarvashathaman chajako Dever joren payen ghasan revo jana Vu Prabhu abhisekam karan athmathin jorethi bharnakacha. (Yesaya 40:31)

Ajji jada dyan karen pado Luka 24:41 Athoi khushir vodithi vo vujii viswas kareniju achamo vejana- khayena kaithoyi atha chakai kan vunden pucho.