Oct 30 – MAAP KARAN BHOOLJO

Ephesivalun 4:32 Yekethi yek dayathi dall vutharan chalthey, Christhuma Dev thamen maap kidoju thamsada Yekken yek maap karo.

Maap karero kajako gunam vu Dever sambandh. Thu maap karanaju rees ghallen thar dallen athra kaato karlastho jana vu dallema satan athani vasi karacha. Thu kannavatho maap karan bhooljachiko jana thar dall hulipull vejavacha janaj Pavithar Athmathi abhisheken sada palechi.

Christhu ma kathethanu maap karnu kan vachanema Apan malam karleja. Yesu Christhu asmanen chodan dharthiper ayojako thon maap karenaj. Jesaru apaner paper vasu Yesu baapu siluvaper Vor pavithar Loyin redan  dhonako. Vachan kacha (1 Yohan 1:9) Apaner paapen apan manlatho Vu apaner paapen maap karan, soli bananiyathethi apanena pavithar karena Vu saspaneran, niyathero cha.

(Hebrivalun 8:12) vachanema dekatho Dev apaner paapen maap kareroj koni lapan Vuj Dev apaner paapen hamesha bhooljavuchu kan sogan khan keroch. Yen herdenalavju ku bhooljavu? Sasij Vu Dev apaner paapen sejini yek mot samundar mayima dubadnakoch. Thurpuna padamarana kathra door chako apaner paapen sada athra door karnakoch. Vorsaru thar papaen ruye nai kolatha ghalaju karnaken dhosap dhonaken laalchatak karnkoch.

Kun Christhu ma chako vuseji Christhu maap kidoju vuner baipanan maap karevale nai renu. Haavkunika ?Thu kannavatho maap karevale nai rechiko janaj thu Dever joren valkechi.

(Mark 11:25, 26) Vachanema YESU bapu kerocha. Tham hubran araj karojana- keriper thamen reesratho, vona maap karo. Jana swarger thamar Baap, thamar doshena maap karacha.

Kanna vatho yek admi vujjeken maap karenitho vor jeevanema dagijogi kaam chalacha kan malamkarlenu. Ajjeken dekerveni jathra petballer tharema ratho vona abbaj jadethi sada hokadan bhar baganak. Janaj thar jeevanema ashishero vagen Dev talaavjen thu dekechi.

Maar premer Dever beptavo thu ach ashishen Dever daiyithi pavnu katho ajeken dekajana thona petema balrichka vo sochen sada chonakthoj vacha.

Ajji jada dhyan karen pado Hebrivalun 12:14 Ser saath samadhaneyhin, pavitharethi rena himmath karo;pavithar cheniju koithoi Deven deksakeni.