Oct 30 – Maph dibii, pahoribi!

Ephesians 4:32 Ekjon dusra jon nimite morom aru norom bhabona loi kene thakibi , ekjon dusra jon ke maph kuri kene thakibi , jineka Krista laga naam pora Isor apuni khan ke maph kuri dise.

maph kuri diya  laga adot tu bishi bhal ase. Judi apuni maph nakure aru gussa te thake, mon tita lagi kene, itu pora hi satan ke ahibole laga rasta banabo aru tai apuni logote thakibo. Judi apuni maph kure aru pahore toh apuni laga mon halka hobo. Aru itu pora apuni kepobitro atma pora bhorta hobole bi modot kuribo.

Kiman tok apuni khan maph dibo lage koile toh itu tu pobitro kotha te JIsu Krista ke hi dikhai dishe. Jisu Krista swarg pora niche te ahishe apunike maph dibole. Tai khun phelaishe Kruste amikhan karone aru sob dhulaishe amikhan ke sapha kuri dsihe. Pobitro kotha  te koi 1 John 1:9 judi Isor laga usorte amikhan laga papkhan ke koise koile, tai amikhan laga sob papkhanke maph kuri dibo aru amikhan laga sob biya khan pora amikhan ke pobitro kori dibo.

Amikhan ke khali maph diya nahoi hoilebi amikhan laga paph khan ke pahori jabo (Hebrews8:12). Kinika itu ke  bhabna nakuri kene thakibo? Hoi amikhan laga sob papa khan hagor laga niche te thaka nisina thakibole dibo. Jinika purab tu poshim pora dur ase inika hi amikhan laga pap amikhan pora dur ase. Tai apuni laga mon boga kuridibo aru kopas nishina hi hi halka kuri dibo.

Tai un hi Isor Jisu laga theng laga nishan te jabo, tai Jisu nishina hi tai laga bhai khan ke maph dibo lagibo. Apuni khan tu hosa morom tu titya hi janibo jitya apuni khan maph kura laga ananto tu anibo.

Jisu koishe mark 11:25,26 aru apuni khan jitya bi prathana kuribole bohibo, kunba ke biya pai kene thakile tai ke maph kuri dibi, tini hoile swarg pora pormeshwar baba bi apuni khan laga biya kam khan ke maph kuri dibo. Aru apunikhan dusra manu khan laga biya khan maph koranai koile swarg te pormeshwar baba bi apuni khan ke maph nakuribo.

Bimar aru biya atma khan titya ahe jitya tai manukhan ke maph nakure. Judi apuni khan bi manu laga biya aru tita khan mon tea he koile tai ke jor pora hi ulai dibi. Judi apuni inika kure titya apuni tu khotom nohobole laga ashish pabo.

Oh Isor laga bacha khan, judi manu khan karone apuni mon te biya ase, map dibi aru tai khan karone prathana kuribi. Toh Isor bi apuni khan kea lag pora ashirbaad dibo.

Aji bhabna kuribole laga pobitro kotha tu hoile Hebrews 12:14sob logote shanti pora thakibole kosis kuribi, aru ekta pobitro jibon loikene thakibi, kile koile itunathakile kunbi apuni laga Isor ke janibole naparibo.