Oct 29 – Swarg laga malik aru tai laga kolsi!

Romans 9:21 jun manu kolsike banaise, tailaga khusi ase tai kinika banabno; aru tai ekta ,ati pora hi tai duita kolsi banai, ekta bisi dangor kam nimite cholabole aru ekta misa misi kam nimite.

Jitya amikhan pura jibon prachar khan laga jani bole pai pobitro kotha  te, tai khan tu jokhom hoi kene hi Ior laga agete ahe. Jitya ekta manu tai nijor ke diye bhangi kene, Isor pora hi taike bhal kam nimite cholabole pare.

Kiman dangor bhangi kene thakibo Abraham laga mon tu jitya tai laga ekta chokra ke daan dibole dishe! Kiman bi dukh paishe hobola tai laga mon tu jitya tai tin din karone beraishe Isaac ke loi kene itu jag ate punchibole karone. Kile Isor pora taike inika berabole dishe. Hoi itu laga karon  tu ase taike dangor kam karone cholabole nimite.job laga jibon bi inka hi thakishe. jitya tai laga ghor bhangishe aru tai laga 10 ta bacha murishe, kiman bi dukh pai kene thakibo tai laga atma tu. Aru tai laga sob janwar khan bi murishe aru tai laga sob dhon daulat bi khotom hoishe. Tai tu kiman luksan hoishe. Aru itu pora hi tai laga dukh tu khotom huanai. Aru tai laga gau te sob jhoko hoishe ghau ulai kene. Isor pora taike itu dukh laga jui pora jabole dishe. Taike janibole dishe ki mon bhanga tu kinika lage. Hoilebi itu khan sob te porikha loi, job tu sona nishina ulaishe. Aru tai laga kisa tu ekta biswasi laga aji bi ami khan pobitro kotha te puribole pai ase.

Jitya Isor tu ekta manu ke kam karone sonman di kene cholabole mon jai, tai poila taike dukha laga rasta pora berabole diye aru taike sapha kuri diye. Isor pora jitya kiba ekta banai tai itu tailaga mahima aru asish nimite hi banai0. Romans 9:23

Jibon laga kolsi bana malik, Isor tu hoile tai laga khemai aru morom laga kolsi ke dikahi. Tai, tai laga morom tu aru khemai tu napabole laga manu ke diye. Tai iku bi nagini kene hi banai.

Oh Isor laga bacha khan , tai jun hi jibon thaka kolsi banai, tai apuni ke bi inika hi ashirbar thaaka laga kilsi banabole mon ase aru apuni ke cholabole mon ase. Kitya bi bhoi nakuribi apuni laga dukh  homoi aha homoi te, nijor ke age anibi aru Isor laga icha hobole dibi.

Aji bhabna kuribole laga pobitro kotha tu hoile, John 1:14, 16 utu kotha hosa aru asish loi kene manu hoikene amikhan logote thakishe. amikhan tai laga Shakti ke dikhishe, utu Shakti juntu tai pormeshwar laga khali ekta chokra hoa nimite paishe, amikhan itu ke dikhishe.Tai logote kiman Shakti ase itu khan pora amikhan ke ekta piche ekta ashish di thakishe.