Oct 29 – RUANGAN A KUMBIJAN DO A HANDRAMDANGAN!

“Ijjaden kumbijan bo kanum-solan saring bo handramdangan surda baranran apsele do bo handramdangan oseng bararan apsele a sabjaben asan soldan a lanangkan anin a ranaptin ted po?” (Romi 9:21).

Angante badloyim maranji abmele kznoltabe bibol-lingan, anlen galamtabe analdungan do sanabja ate Kitungan asyeman batte. Angante surpidamten anindaman do anabaldungan dete, Kitungan a d’ongan handramdangan abmete.

Yangam Abram a j’en aldungle angante Kitungan a onan a d’ong akub-ben abmele! Yan adanukka yagi dena sikoija Abram Isak a d’ong akub-ben abmele baruban ayirreten adnang!iten asan Kitungan sayamle kan ambrij? U’u. ijajated bindo handramdangan abmeben asan.

Ayob amandrengna-ling kanina ambrij. Angante as’ingan s’iedle do a pasijanji janang kadhidleji, yan adanuka badloyimar Ayob augarlen akahid d’onganji! A s’iedle ajontungji do kuddub abittinji ate pede asuidam. Bindo surda anabs’iedan ate galji apasijanji anabs’ied. Kan batte akanalkalanji adtakudad.

Etigoi, anin kanalkalan batte do kaniengan batte do Kitungan a d’ong sayamle kuddub togin saring. Kitungan ogandile Ayob aldungle gamle. Bindo kan ambrij tanunjingan adnang, Ayob yiraiten ranan ambrij. Anin hangle adarakun bibola-lingan gijtabe.

Angante Kitungan mandran a d’ong handramdangan abmete, Anin abamang kanalkalan saring urungte do amadridben asan. Kumbijan soldan adangke pede gabelte. Gadaramar sabjasangten. Bindo, Kitungan gudingle yan a handramdangan gabdile? Kan ate ijajated bindo ganugu adangke (Romi 9:23).

Handramdangan agadile ate ruangan a kumbijan asanayaman batte gabdile. Anin atanimhiman do asanayaman absurdale abarane amandran a d’ong janang do sanayaman a handramdangan gabdile. Anin Kitungdage asnayaman batte erobjongdage do asuyeman abaurle, alagu denanji ja.

Tanahimdam Kitungan a onagji, Anin, na ruangan a Kumbijan, asuyeman adangke do hangdramben asan gabdilte. Murmurlogi adedong kanalkalan ayamling do surpitdamle yiraiba.

Kinolbe absele: “Bar bernan d’ongan gadelle, do asuyeman bar janardin batte barij dean dele, mangba-len dakuneten. Bar U’an ampara a min tum Onan a ganugu panemengan ambrij, ettegoi Anin a ganugu panemengan anlen a gijlai; do asuyeman saring okij asuyeman hanglabe” (Jon 1:14, 16).