Oct 28 – JAAGAN JHAANK

Ephesivalun 5:14 Jethi sutho jako thu jaagan, margejemathi voot;jana Christhu thaper jhaankiyekan kemalocha.

Abba jaldin javaab dero ghano aavashyak vencha. Jaldi javaab denaju sojayero aacho ka? Yee vagathema apan jagan Devesaru jhanknu, havka? konika?. Vorsaru Dever vaath apanen jaaganu kan kerich,Jethi sutho jako thu jaagan, margejemathi voot(Geeder Grandh 13:3) vachanema Daveed rotho rotho kerocha , ” Yehova maar Dev manna saayivena javaab des;ma motheyr needleniju maar ankeena vajalo Des. Anoj thu bi araj karechika?

Samson sutho jen dhyan kara. Vu yek Dever beta, Devethi talaamelojako, ann Devesaru naajir karamelojako. Yisraelevalen Nevu karevale nai Devethij balamelojako. Vachema Vor dallema aach kajako seji jaan vyabhichaar karer athmathi bharagi. Vyabhichaar karrijako raand Delilah dayi dhasan go.

*Jethij Dever vachan kacha ( Nevukareval Nayaker Grandh 16:19)

Vu  vona vor jaangeper savarnaken yek matin balathani vor matheper chajako 7  jhunder lattan katanakan vona vela ghalen shuru kidee. Jana voremathi jor bhaar dagargi. Devesaru jaagan jhankanu jako yee Samson vachemaj thakkago.*

Eliya suthojen dekhatho. Yee ghano moto Dever bhakthidar vetho? Vuj 450 Baal kajako pravakthavun seni haranaken Yehovaj saaso Dev kan malam kidotho.

Athoi vu manasikanga chamakevalo. Eliya bhadari jhadehet suthojana Dev vona soyedinokoni lapan Dev yek Sojan melan khano ghalan thu jaavnujako vaat masaj door cha, jegali thu khathanu jor lelen vuncho vutan chal. Ajii jada Dever kaam karer cha thu sovanaju chal ken ko.

Yona sojathanu haal vejarejako janne vasu yekkoli kaliji cheni. Vuj Dev koju Nineveh na govatho masaj athmavun kamaletho. Lapan vu Dever vaath mana naju  soyenaj agedi jaag dino. Mar premer Dever beptavo thu sovanaju jaagan Dever saru jhank.

Ajii jada dhyan karen pado (Mark 14:37, 38)  Pacha vu aan, vo suthejena dekan, Pethruna _ Simon, thu suthochi ka? Yek ghanta thu jaagan rer venika?  Tham parichoma jaayeniju rena jaagan ren araj karo;Athma thayar chapan, jeevada kamjorer cha.