Oct 27 – HER YEK JAAG

Yohan 4:21 Jana Yesu – Yadi Ma kujen viswas kar;tham Dhadiyaperan Yerushalememaj koni pan, HER YEK JAAGemayi Baapena dhokder daad avacha.

Abba apaner dhademaj Deven katha vathoi dhokeja. Lapan Juno Kararer dadema yeej jaag dhoknu kan vethi. Yema thodsek Yisraeleval Samariyar gatlaper aradhana kidey. Ajji thodsek Yerushalemer Devalema aradhana kidey kan dekancha. Vo dadema yeeyee doyee jaag aradhana kathey arethey.

Navvo kararema avajana Deven yeej jaagema dhoknu kan kai cheni. Lapan thu kukan aradhana karrochi  Abba thu ku dhokrochi? Deven dhokeval Athma thin Sathethin puro dallethin ann puro jorethi aradhana karnu kajakonaj mot vaath vencha.

Yisraeler dadema vo Devalenaj agadiya jaag diney. Vo Yerushalemema Devalena yek vigrahamer nai thayar karnaken Votha voseji saso Deven chonaken banchrethey.

Apaner Dev Hathethi bhandejako Devalema vasevalo koni. Vachanema Pual kacha 1 Corinthivalun 3:16 Tham Dever deval chokan, Dever Athma thamema vasrochakan malam chenika?

Atha thuj Dever deval venchi kan Dev kerocha. Thu araj karer kairathoi vu Athma thin Sathethin renu. Dev thon katha vathoi dhokena swatantrata demelocha. 1 Timothy 2:8 vachanema Apostle Paul lakacha, Jethi Maati riskareniju, ladeniju, vunder pavithar hathena vuncho karan, sey jaagemayi araj karnu kan asa karuchu. Ye vachanema ‘Sey jaagemayi’ kajako vaath ‘HER YEK JAAGemayi Baapena dhokder daad avacha kan Yesu Dev kojako vathethi puro vegich kan apanen malam vacha.

Mark 1:35 vachan dekhatho Yesu baapu kuni chenijako jaageper jathanu araj kido kan dekacha. (Luka 5 :16) Vuj Yesu baapu patarema, yeklo jaan araj karthora. (Luka 6:12 ) Vu dadema Yesu araj karena gatlaper chadan sari raath Devena araj karthora. Akhariam Yesu baapu Gethsemane baagema pasina loyir nai vajethanu araj kido(Luka 22:44)

Dev thu Athmathi ann Sathethi araj karnu kan kerocha. (Vimochaner Grandh 12:27) thodesek admi mundin het karan Deven dhokeval.  (Yajaker Grandh 9:22, Luka 24:50) thodesek admi haath vuncho padan dhokey. Thodsek admi asmane saam dekhan dhokey (Geeder Grandh 25:15, Apostler kaam 7:55).Ajji jada admivo vunder munden het patkalen dhokach. (Agadiyar Grandh 17:3, Luka 17:16).

Mar premer Dever beptavo tham kunas jaagema ann kukan araj karrecho kajako mot vaath koni lapan vu dhoker kaiko Athmathi ann Sathethi renu ann puro Viswasmethi ann puro dallethin renu kan Dev punchrocha.

Ajji jada dhyan karen pado1 Timothy 2:1 Sethi agadiya, ma seekvadi derojako kaikatho sey manikya vaasa araj karnu… Yesu baapu thar daalen Vor devaler nai karlen voma vasanu kan asa karrocha thona thar dallen den yista chake?.