Oct 26 – VU KHAMAN,PALDEN ANN CHODAVACHA

Yesaya 46:4 Budo vajethanu thona paldevalo Maaj ann thar mather latta dhol vajethanu thona paldevalo Maaj , Maaj thon srushti kidochu  thona kaankema paldevalo Maaj thona paldethanu jathan karevalo Maaj.

Dev thona yek yadir nai khaman yek baaper nai vuncho paldacha. Yek baayipanar nai thar saath rethanu thona chodavacha. Jethij Dev sogan karan Maa thon khaman palden ann chodayevalo chu kerocha.

Yesaya 44:2 vachanema Devaj thona thar yadi petema samorethi srusti kidocha. Ajji Dev kerocha ( Yesaya 46:3, 4) Yakober ghareval, Yisrael gharema thamamlejko,petema pedavejannathi Mar palethi khamamelejako, yadir  godema betojannathi maar kaankema ghalamelejako, Mar vaath mano.

Budo vajethanu thona paldevalo Maaj ann thar mather latta dhol vajethanu thona paldevalo Maaj , Maaj thon kidochu  kaankema paldevalo Maaj thona paldethanu jathan karevalo Maaj.

Yetha ma chitramen votharevaler chithrar vodi malam karnu kelerochu, voma dhooder vaat yek bhaktidarer jeevanen dekhalacha. Jannathanu vo bhaktidarer jeevanema chalijako sejini penaporer dader nai vo chithrama chaju dekacha. Votha dekhatho dee admir taanger dappa chaju vu dappevo vo pavithar bhaktidarer ann Dever kan vor jeevanema dekancha.

Atho vu bhaktidar Deven puncho,” Dev mar velama mar tangeper maaj bhari palden hubochu Thu manna kankren chonako”. Janna Dev vuthar dino “Maro beta thar velama abbethanu Maaj thona padmelochu, kukatho thona dikharijako yee dappa thar koni lapan Maaraj ann thu Maar kaandoper jathanethi betochi”.

Hanoj tharo jeevanema sada Devaj abbethanu Maaj thon khaman palden ann chodayevalo chu kerocha. Kuvatho 40 varas Yisrael jannen Dev vor hathema yek sameli vor pilpilavun vor pakodaper palden javachko vuj tharar nai Dev palden chalayo. Vuj Mahan Dev aaj sada thona ashish karevasu hubaran dekhrocha.

Gamgijako  gorli malijana vu gollavariya paran gamanaju vor kaandeper premethi paalden ayo kan dekacha. Kanna vu hano paldino ko jana vu gorlir kaan yee gollavariyar moondekanaj ra ann vor anki vo gorlin dayithi gollavariyan dekhaju vethi. Jethi gorlin ann gollavariyan yek aacho sambhandam chaju dekancha. Mar premer Dever beptavo thona sada vuj Dev paldevalo chajegali Vo Deven mahima karnu.

Ajji jada dhyan karen pado Geeder Grandh 103:13 Baap Vor betana daya dakalaju, Yehova Vor dhakethi chajena daya dakalacha.