Oct 26 – Tai pora Sahibo,Bukibo aru Bchaidibo!

Isaiah 46:4 “ami pora sahibo; aru ami bukibo, aru apuni ke bachai dibo”

Jehovah sahe apuni ke ama nishina. Tai apuni ke baba nishina buke. Aru kokai nishina apuni logote thake, aru apuni ke bachai diye. Itu karone tai kosom khai, ‘iman dur apuni ke ami bukishe aru sahibo I, aru apunike bachai dibo.’

Itu tu Isor hi ase jun apuni ke ama laga pet ta banaishe (Isaiah 44:2). Isor koi, “hunibi amike, oh ghor Jacob laga, aru sob manu Israel laga ghor laga, jun ke ami dhurishe jonom hua pora, ami bukishe pet tethaka homoi pora: bura hua homoi te bi, Ami ase Tai, aru apuni laga chuli boga hoa homoi te bi ami bukibo apuni ke! Ami banaishe, aru ami sahibo; aru ami bukibo aru bachabo apuni ke” Isaiah 46:3,4.

Ami ekta noksa laga kotha apuni khan ke kobole mon jai. Ekta mati laga rasta itu noksa te dikha tu hoile ekta biswasi laga jibon ke dikhai. Sob ghotna hua khan tu itu biswasi laga jibon te shuru pora itu tu nishan di ken ease. Itu sob rasta te, thenga laga nishan tu duita manu laga dikhi pai itu dikhabole ki itu biswasi logote Isor bi beraishe tai laga rasta te.

Itu biswasi jun laga jibon ke itu noksa pora dikhaishe tai hi itu noksa ke dikhi kene achurit hoishe ki ekta khatra homoi te tu khali ekjon laga hi thenga laga nishan thakishe. kandi kene tai koishe, “oh Isor, apuni ami logote beranai jitya ami ekta khatra homooi ke par kuri thakishe. apuni ami ke kile Sanai itu homoi te.” Isor koishe, “ami laga bacha, kile koile ami apuni kea mi laga kandah te bukhi apuni itu khatra homoi te thaka homoi te, apuni apuni laga theng laga nishan tu dikhi napai tate. Apuni tate ki dikhishe it utu ami laga thenga laga nishan ase aru apuni tu ami laga kandha te bohi thakishe.”

Bishi homoi ase jote Isor pora hi apuni ke loi jai. Aru homoi inika bi ase jote Isor hi sahe, buke aru apuni ke bacahi diye. Jitya Isor Israel laga bacha khan ke balu mati  pora loijai thakishe, Isor hi tai khan ke bukishe chil jinika tai laga bacha kha ke buke tai laga pankha te. Aji laga din te bi, tai hi ase jun hi apuni ke bukibo aru ashirbad kuribo jun hi sob se uncha ase.

Ki korishe itu charwaha pora jitya tai laga ekta bhera haraishe? Tai itu bhera ke berabole diyanai toh, kile koile aru harabo koi kene. Aru tai itu bhera ke kandha te bukishe taike morom dikhabole nimite. Jitya tai buke itu bhera laga kan tu itu charwaha laga muk usor te thakibo. Aru itu charwaha laga suku tu itu bhera laga suku sai kene thakibo. Ekta bhal rishta hobo itu charwaha aru bhera laga majote. Oh Isor laga bacha khan , jani kene thakibi ki Isor apuni ke buki kene thake aru tai laga naam uncha kuribi itu karone.

Aji bhabna kuribole laga pobitro kotha tu hoile, Psalms 103:13 ekta baba tai laga lora suawali kha ke jiman morom kure, jun khan Jehovah ke sonman kure tai khan ke tai iman morom kure.